ضاعت خلاص منى انا السبب

من طرف مجرد انسان الإثنين مارس 09, 2009 2:11 pm

المشهد الاول

ترابيزة على البحر وسط كرسيين عليها كوبايتين عصير بالشاليموة (شاليموة دة مش نوع فاكهه) قاعدين عليها هم الاتنين..عنيها بتقول كلام كتيييييير مستخبى وهى حاطة وشها فى الارض
هوا البحر جمييييييييييييل يرد الروح..النورس فى السما طاير بعيد فرحان..السحاب بيزء بعضة و الهوا بيزء السحاب..

مسك ايديها و رفع وشها بايدة اتانية

فى اية؟
ابتسمت بهدوء و طيبة و قالت
مافيش
طيب لية ساكتة
سحبت ايدها من ايدة و رجعت ضهرها و سندت على الكرسى و بصيتلة بابتسامة مكر وقالت عادى و بصت على البحر
بص فى الارض شوى و رفع راسة و قالها:عارفة انا متخيل حياتنا عاملة ازاى؟ عاملة زى حلم جميل فى انا و انت
المشهدالثانى
شافت نفسها فى اوضة فيها انترية و تلفزيون و هى لابسة البنطلون الاصفر فى اللبنى وعلية تى شيرت اصفر باكمام لبنى مرسوم علية وردة مكسوفة باللبنى و رامية جسمها على الكنبة و ايدها مرمية جنبها من التعب و ف ايدها الرموت حدفتة بعيد و هفت من الخنقة ..بحلقت فى
السقف فى الاشيئ و اعدت تكلم نفسها..بيت و روقت طبيخ و خلصت تلفزيون و زهئت و لسة فاضل ساعتين عشان يرجع م الشغل هياكل و يرتاح شوى و لما يقوم نتفرج على التلفزيون و بح اليوم و اقوم بكرة عشان اعيد النهاردة تانى....هو بيحبنى و عايز يسعدنى باى شكل بس ظروف شغلة مش مسعداة بس هو لو عندة وقت اكيد كان خلانى اعمل اللى انا عايزاة ...صح..ايوة صح..ظروف شغلة...زسكتت شويه و كملت بحلقة فى الاشيئ و مرة واحدة نطت من نومتها و كملت كلام..طيب هى ظروف شغلة دى لحد امتى؟؟طيب هو انا هافضل كدة على طول؟؟لآ انا لازم يااتخلى عن اللى فى دماغى و اتاقلم على الوضع يا افضل عندى امل فى الايام..طب ماانا لو فضل عندى امل هاتجنن يا هايجيلى اكتئاب و لو اتخليت عن الحلم هابقى زى زى الكرسى ....طب هو لو كل يوم زى اليوم التانى لية؟؟

صحيح صدق من قال ساح يا بداح يا سؤال جراح
مالذى كان و ماعدش و راح
واة يا براح اة يابراح عمال بيضيق
صبح وزية الصبح التانى
ليل ملضوم فى اليل التانى
وانا مش رايح انا مش جاى
انا مش واقف حتى مكانى

انا مش زى الكلام دة بالظبط انا اهو واقفة فى مكانى ..واقفة مابتحركش..ايوة انا عندى استقرار بس مش بمزاجى دة انا فى مكانى عشان مشلولة
رجعت اترمت تانى على الكنبة و كملت عادة البحلقة و اعدت تمر قدامها صور كتيرة و اعدت تعدها لحد ما راحت فى النوم

المشهد التالت
صوت شخللة مفاتيح..مفتاح فى الباب..الباب اتفتح..السلام عليكم
مافيش رد..دور فى الشقة لاقاها نايمة..بص على وشها زى اللى شايف ملاك قدامة و ابتسم و مد ايدة بالراحة على شعرها و همس فى ودنها انتى نايمة بجد و لا بتمارسى هوايتك المعتادة؟؟مافيش رد

حبيبة قلبى انتى نايمة بجد و لا بترخمى ؟

بردوا مافيش رد...سكت و فضل يتفرج عليها و هى نايمة و يفكر ياترى انا مخليكى سعيدة و لا لآ؟ياترى بتحلمى باية دلوقتى؟ياترى انتى نايمة و انتى مرتاحة البال و لا لآ؟؟