سؤال للجميع ايهما افضل مراتك ولا شغلك ؟

سؤال أتمنى أن أسأله لكل المتزوجين وكل العزاب

اعترافات من محمد عطا الهوارى ذو خبرة طويلة
مراتك......ولا......شغلك !!!!!!!!!!!!!!!!!
(الجواب تحت)
كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا .........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك .. هيهات ..أنسى …..رابعا ........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. مش فاهم .. أي حاجة مش ممكن ترضيها !!! خامسا.......في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!! سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه

سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش(حذاء رياضي) وتفكر مليون مره.....في المحاكم والمؤخر و النفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........ عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ... بتحب مين أكتر...مراتك ولا شغلك ؟؟

الإجابة


اللهم انك عفوا كريم تحب العفو فأعفوا عنا

ياااااااااااااه

والله انتوا واخدين عننا فكره وحشه قوووى

عموما انا مش هعلق على الموضوع

بس عايزه اسأل حبة اسئله كدا
هو الشغل اللى هيحضرلك الاكل
الشغل اللى هيغسلك هدومك
وحجات غيرها كتييييير

بص يا هوارى , الشغل حاجه ومراتك حاجه تانيه , انا عن نفسى ممكن احط الاتنين فى نفس المرتيبه , لكن لو جيت للجد فى حالات كتيره ممكن الست فيها تقف جنب جوزها وهى اللى تساعده , وانت على فكره بتنظر للموضوع من جانب واحد و يعنى زى ما فى مزايا للشغل , زى ما انت قلتها , فهو برده ساعات ليه عيوب اما يكون الشغل ده انت مش راضى عنه وملكشى مصدر رزق غيره , وبعدين برده انت اتكلمت عن عيوب المراه وما اتكلمتش عن مزاياها , وليه ما تقلشى انها ممكن تقف جنب جوزها وتبقى معاه على الحلوه والمره , وتحاول تنسيه هموم الدنيا , وده طبعا حسن حاجه فى الدنيا , لما ربنا يرزقك بواحده صالحه , زى ما قال الرسول خير متاع الحياه الدنيا الزوجه الصالحه , يبقى اكيد اكبر حاجه كويسه فى الدنيا هى مراتك اللى هى صالحه , ليه بقى , لانها ان ان نظرت اليها اسرتك وان غبت انت عنها حفظتك فى مالك وعرضك وشرفك وراعت حرمتك . وبعد ده تقولى الشغل احسن منمراتك ده لو كانت صالحه اقولك لا طبعا فى الحاله دى , والمشكله دى مشكله خاصه , يعنى بتختلف من شخص لاخر , يعنى انت ممكن تكون قرفان من مراتك , فى غيرك بيحب مراته اكتر من اى حاجه فى الدنيا , وطبعا اختلاف الراى لا يفسد للود قضيه يا زميلى مش كده برده, معلش بقى اذا كنت طولت . نايس توبيك وتقبل مرورى .

مشكور هوارى على الموضوع الحلو دا اللى فتح فكرة للمناقشة

بس انا بعتب عليكى ياsahoora

الست ستمش شغالة تحضر اكل وتحضر هدوم وكده طيب لو هية كدة منا اجيب شغالة اسهل

ودى ليكى يا sahoora


http://www.2shared.com/fadmin/4427608/9b903f82/__online.mp3

تنام على خيش ههههههههههههههه
ايه الاغنيه الفظيعه دى
حلوه على فكره بس مش قوى بصراحه

وانا مش كان قصدى ان الزوجه بس تغسل وتكوى وتحضر اكل بس دى اقل حاجه جت على بالى

ربنا يهديكم علينا

لا احنا هديين والله وطول مافى حب ياساهورا مش مهم الخيش

هههههههههههههههههههههه

المفروض الاغانى البيئة دى متنزلش فى منتدى محترم زى دة

توتى فروتى كتب:المفروض الاغانى البيئة دى متنزلش فى منتدى محترم زى دة

شكرا ليكى يمكن يكون دا مش مكان الاغنية صحيح بس دا اسمه منتدى

يهنى اللى انت متفهموش انه لازم يكوت الكلام فيه بصراحة وباسلوب محترماكتر من كده وعموما انا ملاحظ انك بتحب تعلق على ردودى بلازمة وبدون اى لازمة

عموما شكرا على زوقك وربنا يهديك