هل الدموع علامه ضعف ام انها تعبر عن احساس عميق ؟؟؟

هل
الدموووع علامه ضعف ام احساس عميق؟؟؟


كلنا قد نتعرض لمواقف كثيره في هذه الحياه

قد تثير حساسيه العين فتذرف بالدموووع

سواء اكانت هذه الدموع من اجل الفرح او من اجل الحزن

فعندما يبكي الشخص،

فإنه يخرج كل ما تراكم في نفسه من غضب وأسى وحزن،

ويعبر عن كل شعوور يجتاحه في تلك اللحظه

وعندما يكبت بكاءه فيصبح عرضه للامراض النفسيه

من ضيق البال والكآبه وغيرها


وفي بعض الاحيان عندما يبكي شخص ما فانه يتعرض للسخرية او النقد

فيخشى ان يعبر عن مشاعره بالبكاء امام الناااس


فالبعض يقول ان البكاء علامة ضعف

والبعض الاخر يقول انه تنفيس عن النفس من الهموم التي تغمرها


وهنا يكون السؤال:


هل الدموع علامة ضعف ام انها تعبر عن احساس عميق في داخل هذا الشخص؟؟؟

لماذا نتهرب من البكاء؟؟

لماذا نبحث عن العزلة عندما نريد البكاء ؟؟؟

لماذا ... ولماذا ... ولماذا ؟؟؟؟


اسئلة كثيرة تجول في خاطري عن الدموع


ماهي الدموع ؟؟

اتكلم عن الدموع الحقيقيه التي تخرج من النفس لا عن دموع التماسيح


لماذا وجدت اذا كنا نتهرب منها ونبحث عن العزلة حينما ينسكب الدمع من اعيننا؟؟؟


في بعض الاحيان

وفي اوقات العزلة غالبا

نبكي لشيء بسيط ولكن نبكي من كثرة الكتمان في النفس

او من كثرة الهموم والاحزان المتراكمه على كاهل هذا الانسان الضعيف


تاتي لحظات نريد ان نفرغ كل ما بداخلنا من الهموم

ولكن في العزلة ....


لماذا في العزله ؟؟

واخيرا يبقى السؤال

هل الدموع علامة ضعف ام انها تعبر عن احساس عميق في داخل هذا الشخص؟؟؟

التوبيك ده منقول مع بعض التعديلات بس شدنى اوووى وفعلا كنت بفكر فيه

الدموع ممكن تكون ضعف
وممكن تكون احساس ومشاعر الدموع تخرجه
....والدموع بتريح اقوى
وشكرا على الموضوع

الدموع دى علامة ضعف طبعا الى ينزل دموعه على اى موقف صعب يحصله ده يبقى ضعيف

انا عن نفسى عمرى فى حياتى ما بكيت قبل كده غير لما كنت لسه طفل صغير

الدموع عمرها ماكانت ضعف انا شايفة ان الدموع دى احساس مش عند كتير من الناس.
يعنى مثلا لو فى حد عزيز جدا عليك ومسافر وهيبعد فترة تفتكر لوبكيت وهو مسافر معناه انك ضعيف ومش هتقدر تواجه الدنيا طول فترة سفره ولا ده احساس جواك ان فى حد غالى عليك جدا ومتعود تشوفه وتقعد معاه وتحكى ولما يسافر هتفضل فترة سفره مش بتشوفه ولاقادر تتكلم معاه زى ما اتعودتى؟؟ متهيألى ده ميبقاش ضعف ده رأيى
‏
موضوع حلو جدا ياصن

و الله كل واحد و وجهة نظره انا عن نفسى بعتبر الى يبكى ده ضعيف

انا شخص غليظ يا ستى بعتبر البكى و الدموع دى ضعف مش بعترف بالكلام الفاضى ده اشوف فيلم عربى ابكى عليه اشوف واحد بيموت ابكى عليه واحد مسافر زى ما انتى بتقولى ابكى عليه اكون بحب واحدة وحشتنى افتكرها و امسك صورتها و اقعد ابكى لالالالالالا مليش انا فى الكلام ده

و فى النهاية كل واحد و طبعه

أنا أري أنا الدموع ليست ضعف علي الإطلاق وإنما هي تعبر عن إحساس صاحبها ،فالإنسان حين يدمع لا يتحكم في دموعه وإنما إحساسه الداخلي الذي نشأ داخله هو ما يتحكم بها ،بعض الأشخاص فتجده يدمع دون إرادة منه ولكن حسه المرهف هو ما تحكم بدموعه .
أما عن البكاء فطبيعة الإنسان انة لا يريد أن يراة أحد وهو يبكي.....قد يكون تجنبا من أن يراة الأخرين ضعيفا و قد يكون لحب الإنسان للعزلة لتٌخرج دموعة ما به من الآم
الدموع إحساس......من أفتقدها فقد تخلي عنه الإحساس


وإنسان بلا إحساس = جماد

وشكرا ليكم يا جماعه على ردردكم الجميله وكل واحد له وجهه نظره
نورتوا التوبيك

انا مع راى صن بس المفروض مش اى حد نشوف دموعنا

ممكن يا محمد غصب عنينا حد يشوفها جوانا لازم نطلعها ولو مطلعنهاش هنتعب كتير اوي ف حياتنا وساعات ممكن نلاقي نفسنا بنعيط كده من غير سبب ف وقت العياط ده ممكن نتيجة حاجات كانت جوانا وممكن من اقل كلمة تطلع غصب عننا
شكرا على مرورك يا محمد نورت والله

حماده انت ردك فى غايه الروعه
هى ضعف و حزن و فرح وضيق , انصار ...... يعنى كل حاجة وحشة وكل حاجة حلوة
حلوة اووى الجمله ديه وفعلا كلمك صح

شكرا على ردك يا معين ونورت التوبيك

نورت يا عمرو التوبيك وفعلا البنات دمعتها قريبه اووووووووى
الدموع إحساس......من أفتقدها فقد تخلي عنه الإحساس
مشكورررر فينوس

يا جماعة الدموع انواع في منها الضعف وفي منها الاحساس وفي كمان حاجة انا مستغرب ان ولا واحد كتبها وهي دموع الخشوع لله سبحانه وتعالي

الضعف معروف

الاحساس كتيير اكترهم لما الواحد يتوفالوا حد ليه معزة كبيرة وكمان لما نشوف اللي بيحصل في امة الاسلام من اعتدءات وان عن نفسي ببكي لما لما بشوف الظلم اللي بيتعرضلوا اخوانا في فلسطين والعراق وافغانستان وفكل مكان خاص بالمسلمين وكمان ببكي ع الظلم داخل مصر وانتوا عارفين ايه الظلم جوه مصر

دموع الخشوع لله مش محتاجة كلام

وانا ساعات ببكي عشان والله نفسي اححق اهدافي

وببكي كمان لما احس ان الناس ظالمه نفسها

وببكي وببكي وببكي

وبكا الضعف مش تبعي خالص

شكرا ليكي يا صن ع التوبيك الرائع دهة وانك فتحتي لينا موضوع للحوار وابداء الاراء شكرا ليكي مرة تانية

مشكوره فعلا يا حسين ويا حازم على ردودكم الرائعه فعلا
واكيد يا حازم دموع الخشوع لله سبحانه وتعالى
ورايك يا حسين عجبنى ان
الدموع عباره عن وسيله بيعبر بيها الانسان عن حاله معينه هو متاثر بيها بغض النظر عن نوع هذه الحاله مثل الفرح او الحزن او التاثر بمواقف معينه عندما يشاهد الانسان موقف غير انسانى امام عينه , او عندما يحب شخصا اخر او .... او ......... الخ .
بجد نورتوا التوبيك