خاص علي منتدي الجامعة (..تسمم بالرصاص في الاقصر..)) دي البداية بعائلتين مصابين بالتسمم والسبب........

والله يا حازم أنا مش عارف أقولك أيه .. لكن الواحد بيسمع الاخبار دى وهو فى حاله لا مبالاه وبدون أى أهتمام
لان ده العادى فى مصر .. يعنى لو عرفت نسبه الفشل الكلوى فى مصر وفيرس سى والتهاب الكبد الوبائى
هتلاقى التسمم ده حاجه بسيطه
المشكله فى بلدنا الجميله دى الفساد والفساد طبعاً منتشر فى كل مكان بأشكال وألوان مختلفه يعنى القمح ده دخل البلد باذن المسؤلين
وكمان كميات اللحوم الفاسده اللى كانت تدخل البلد والمياه المعدنيه اللى فى الاخر طلعت غير مطابقه للمواصفات
وفى نوع جديد من الفساد ظهر فى مصر أسمه الفساد الدبلوماسى
يعنى لما مواطنه مصريه تقتل بسبب إرتدائها الحجاب فى ألمانيا
والسفاره المصريه لاتبدى أى أهتمام إلا موخراً لان القضيه أصبحت قضيه رأى عام
وكمان التطاول على منتخبنا الوطنى فى جنوب أفريقيا
من قبل جريده من جنوب أفريقيا والسفاره المصريه لا تبدى أى إهتمام إلا بعد أن تناول الموضوع الاعلامى عمر أديب

يعنى من الاخر كده لازم أى مشكله وأى قضيه لابد أن تتحول إلى قضيه رأى عام حتى يبدأ الاهتمام والتحرك لحل المشكله

والله يا حازم الواحد مش عارف يقول أيه ولا أيه .. لكن تقول لمين .. قد سمعت لو ناديت حياً لكن لا حياة لمن تنادى

كل ده عادى هو أنت يا حازم غايب عن البلد ليك كتير ولا أيه

ربنا يشفيهم ان شاء الله وعلى فكرة دى مش حتقف عند عائلتين وبس ده حيحصل كل يوم والحكومة عملة ودن من طين وودن من عجين زى ما بيقولو المهم خد بالك من نفسك ومن العيش اللى بتاكله انت برضه صحتك تهمنا

ده العادى التلوث والتسمم موجود من زمان فى مصر ومحدش من الحكومه متحرك كل اللى بيقدروا عليه هو الكلام وهنعمل وهنعمل لكن عملوا ايه لحد دلوقتى مش عارفه

(ربنا يشفى كل مريض )

ربنا يشفى مرضى المسلمين جميعا يا رب امين
الواحد بجد مش عارف يقول ايه البلد ديه ايه حكومه ايه بس ولا فى اى حاجه يلا الواحد مش عاوز يتكلم عارفين لو الناس ديه ليهم حد مهم ليهم ضهر يعنى كانوا بيقوا فى احسن المستشفيات واحسن معامله لو كان السبب المطحن او غيره بردوا الحكومه مش هتعمل حاجه احنا لينا ربنا الحمد لله قادر على كل شئ
وحسبى الله ونعم الوكيل

M_NASR كتب:والله يا حازم أنا مش عارف أقولك أيه .. لكن الواحد بيسمع الاخبار دى وهو فى حاله لا مبالاه وبدون أى أهتمام كل ده عادى هو أنت يا حازم غايب عن البلد ليك كتير ولا أيه

شكرا علي كلامك الجميل يا ناصر وحكاية غايب عن البلد دي ولو انا غايب مكنتش عرفت بالموضوع ده يا ناصر واطمن انا متابع اخبار البلد اول بأول شكرا مره تانيو لحضرتك

nemo abdo كتب:ربنا يشفيهم ان شاء الله وعلى فكرة دى مش حتقف عند عائلتين وبس ده حيحصل كل يوم والحكومة عملة ودن من طين وودن من عجين زى ما بيقولو المهم خد بالك من نفسك ومن العيش اللى بتاكله انت برضه صحتك تهمنا

علي رأيك يا نيمو الحكومة عاملة ودن من طين دا بدل م الحكومة تعالج الاصابات وتحاصرها لأه دي بتنفي حدوث الاصابات من اساسوا وان شاء الله يا نيمو حاخد بالي من نفسي وادير بالي علي حالي

وشكرا ليكي انجلينا انتوا وصن علي تعاطفكم وكلامكم الحلو ده وعلي فكرة يا صن انا قريب في التوبيك ده حنزللكم حاجة عن عدم اهتمام الحكومة ووسائل الاعلام بردوا بالأهالي والناس الغلبانة

علي فكرة يا جماعة دا في عيلة جديدة من نفس القرية من اربع افراد اتصابت بالتسمم وكمان في واحد من مدينة القرنة المجاورة للبعيرات اتصاب بردوا بالتسمم

هو ايه الحكايه بالظبط يا حازم كل شويه فى مريض ربنا يستر على كل الامه الاسلاميه وربنا يشفيهم


وبعدين المنتدى فاضى على طول كده ليه زى مايكون لسه فى امتحانات دا كده المنتدى عايز دعايا للاعضاء الشتركين فى مش للىلسه حيشتركو

ربنا يستر يا فاطمة ويجيبها معانا سلامات ومكنش انا مصاب

وشوفي بخصوص المنتدي اولا المنتدي مفهوش دعاية يعني مفيش اعضاء كتير وبخصوصا غياب الاعضاء حتلاقي ان معظم الغايبين اولاد وده بسبب المشاغل انا عن نفسي مكنتوش حتشفوني خالص في الاجازة بس لظروف السياحة والكلام ده انا مرحتش الغردقة اصل اللي بيروح الغردقة مش بيكون فاضي يحك في ودنوا حتي

هههههههههه خلاص يا عم هات برقوقاية معاك

وده المفروض يا سحس وحاليا في تحقيقات بتحصل والله اعلم حتوصل لفين بس لحد دلوقتي يعتبر طبعا من وجهة نظر الحكومة ان الحالات المصابة قليلة 3 عائلات وفرد من عائلة رابعة والله اعلم التحقيقات حتوصل لفين هل سبب التسمم ده الدقيق المدعم ام الطاحونة والله اعلم

شكرا ع تعليقك يا سحس

شكرا على المتابعه يا حازم

يا جماعة في حالتين جدد بالتسمم وصلوا مستشفي عين شمس الجامعي

بصوا يا جماعة عشان منظلمش حد ونقول الحق اخر التحقيقات بتقول ان السبب كان كسر لعمود الرصاص الموجود داخل الطاحون يعني سبب التسمم هوه الطاحون مش الدقيق المدعم يعني السبب مش الحكومة والله اعلم

الله اعلم يا حمادة بس انا بعتقد ان كلامهم صح عشان لو كان من الدقيق كانت البلد كلها اتصابت بالتسمم

ان سمعت بموضوع الدقيق دا من زمان قبل ماتحصل حالات التسمم
كان الدقيق بيتوجد فيهعباره عن كوربيضه زي اللي بيستخدمه فيالزرع السماد الكيماوي
وبعدين الواحد برضه مايظلمش حد
الله اعلي واعلم

موضوع الدقيق اللي كان زمان ده كانت عن شحنة قمح فاسدة دخلت من خلال روسيا ولما الموضوع انكشف الحكومة ادخلت ورجعت القمح تاني لفرنسا بس في جزء من الشحنة دخل السوف والله اعلم

شكرا دنيا

التسمم سبب الطاحون مش الدقيق وهما اكتشوفوا ده امتى بعد ايه بس ما راح العمود الرصاص فى الدقيق يبقى بردوا فى اهمال والحكومه اكيد هتبرا نفسها والناس ديه ذنبها ايه واكيد فى كميه دخلت السوق ربنا يستر فعلا

حسبى الله ونعم الوكيل