التطور الطبيعى للستات(ردعلى موضوع التطور الطبيعى للرجاله)

من طرف captin_hema4 الثلاثاء فبراير 24, 2009 6:28 pm

التطـــــــــور الطبيــــــــــــعى للستات

بحبك

بعد 6 اسابيع : انا اسعد انسانة فى الدنيا لانى معاك فى بيت واحد

بعد 6 شهور : ياعينى عليا وعلى بختى المايل

بعد 6 سنين : كان يوم اسود يوم ما اتجوزتك

بعد الشغل

بعد 6 اسابيع : الحمد لله انك رجعت بالسلامة انا كنت هاتجنن وانت بعيد عنى

بعد 6 شهور : ايه اللى جايبك بدرى كده وكمان جى ايد ورا وايد قدام

بعد 6 سنين : قال يا قاعدين يكفيكوا شر الجايين

جرس التليفون

بعد 6 اسابيع : كلم يا حياتى- بس متتاخرش عليا

بعد 6 شهور : كلم يا سيدى – ده مبقاش بيت بقى سنترال

بعد 6 سنين : ماتقوم ترد اكيد واحد من الصيع اللى بتعرفهم

وقت الغدا

بعد 6 اسابيع : دوق وقولى ايه رايك – صنعة ايديا وحياه عنيه

بعد 6 شهور : الاكل على السفرة – لما تخلص ابقى شيل مطرح ما اكلت

بعد 6 سنين : ملحقتش اطبخ النهارده – عندك الجبنة والسلمون فى التلاجة انا رايحة اتغدى عند ماما

لما يشترى فستان جديد

بعد 6 اسابيع : انا عندى فساتين كتير بلاش تكلف نفسك

بعد 6 شهور : ده فستان تشتريه - ملقتش حاجة ارخص من كده علشان تجيبها –؟

بعد 6 سنين : يا ما جاب الغراب لأمه - فستان ده ولا مفرش سفره؟

لما يتفرج ا على فيلم

بعد 6 اسابيع : انا مايهمنيش الفيلم كفاية اننا مع بعض

بعد 6 شهور : انزل شوف الماتش على القهوة – انا عايزة اشوف المسلسل

بعد 6 سنين : سينما ايه اللى عايزنى اروحها – هى دى اشكال اخرج معاها

لما يعزم اصحابه

بعد 6 اسابيع : طبعا ينورا – وهاعملهم كيكة انما ايه

بعد 6 شهور : هى العالم دى معندهاش بيوت تتلم فيها ؟

بعد 6 سنين : ناقصة اصحابك كمان ايوة ما انا الخدامة اللى اشترتها لك الست الوالدة

لما يروحو السوبر ماركت

بعد 6 اسابيع : بلاش السوبر ماركت ده علشان غالى

بعد 6 شهور : حسرة عليا – شايف الحاجات الجميلة – مش بتاع التموين اللى كنت بتشترى من عنده ؟

بعد 6 سنين : انت جايبنى هنا ليه – انت عايزنى اتعقد – يعنى اقرع وكمان نزهى ؟؟

لما ييجى عيد ميلادها

بعد 6 اسابيع : انا هدية عيد ميلادى وجودك جنبى

بعد 6 شهور : انا اشتريت خاتم سوليتر هدية عيد ميلادى – ال**اهرجى هايبعت لك الفاتورة

بعد 6 سنين : لو مجبتليش الفيلا اللى فى الساحل الشمالى هدية عيد ميلادى انا هاخلعك من بكرة!؟

فى العيد

بعد 6 اسابيع : انا **** عيد عندى هو يوم ما ات**زتك

بعد 6 شهور :جايب لى قرص القرافه وبتقول عليها كعك

بعد 6 سنين : انا اشتريت ساطور جديد علشان ادبحك بدل الخروف

وهى رايحة للدكتور

بعد 6 اسابيع : انا بقول مفيش داعى للدكتور دوخة بسيطة ودلوقتى هابقى كويسة

بعد 6 شهور : بيقولوا فى جراح المانى مولود فى مصر – عايزاك تحجز لى عنده علشان صباعى الصغير بيوجعنى

بعد 6 سنين : انا عايزة اسافر بره علشان اعمل عمليه تجميل فى حواجبى

الولادة

المولود الاول : الحمد لله انه طلع شبهك يا حبيبى

المولود التانى : طبعا طالع حلو لامه

المولود التالت : أكيد طالما متجوزة قرد لازم اخلف معزة

قبل الزوج

بعد الزواج بسنة

بعد الزواج بعشرة سنين