موضوع خاص لطلبه حقوق ( بالذات اللى لسه فى سنه اولى )

ازاى تحاول تذاكر المواد بسهوله
1- اول حاجه انت وداخل على الموضوع الرئيسى شوف عناصر الموضوع الرئيسيه وشوف الموضوع بيتكون من كام عنصر وحاول تكتب العناصر الاول تحفظها وبعدين تحاول تفهم كل عنصر لحاله وهكذا , يعنى على سبيل المثال هنقول لو الموضوع الرئيسى هو القاعده القانونيه , فا انت اول حاجه بتشوف ايه عناصرها او اركانها وترصهم الاول وتحفظهم قبل ما تخش على شرح العناصر دى , يعنى هتقول مثلا 1- العموميه والتجريد 2- الالزام 3- كذا.......... وهكذا , وبعدين تحاول تفرد كل عنصر لوحده ولو العنصر شرحه طويل تحاول تقراه الاول بتركيز , وتحاول تطلع منه النقط الرئيسيه اللى بيتكلم عنها العنصر وهكذا , هى هتكون صعبه فى اول مره , لكن بعدين هتلاقى نفسك العمليه بتبقى اسهل بالتكرار , بعد ما تخلص العنصر وتقراه وتعرف هو بيتكلم عن ايه او هو ايه النقط المهمه فى العنصر ده , تحاول تعمله مراجعه سريعه قبل ما تخش على غيره , وبعدين اللى طبقته فى اول عنصر طبقه على كل العناصر اللى بعديه , وبعد اما تخلص شرح العناصر وفهمها , تحاول تراجعهم بشكل سريع كلهم مره واحده , وبكده تكون عرفت تظبط الموضوع وتعرف هو بيتكلم عن ايه وايه النقط المهمه فيه , ودايما وانت بتذاكر خلي معاك قلمين بلونين مختلفين , عشان تعرف العناصر الرئيسه من الفروع من المطالب , فى حاجه مهمه كمان بعد اما تخلص مذاكره الموضوع , تشوف هل ليه اسئله او هل هو موضع من المواضع الهامه اللى بيتحط عليها سؤال وعلى الاساس ده تحدد موضوعك اذا كان موضع امتحان ولا لا , وطبعا اكيد هتلاقى الاسئله دى فى مرشد الامتحانات بتاع اسيوط , فعليك بيه بعد ما تخلص مذاكره كل موضوع عشان تعرف هل هو ممكن يكون مضوع سؤال , وفى حاجه عاوز اقولكم عليها كمان , وهى الابواب او الفصول التمهديديه , ودى غالبا مش بتكون مواضع اسئله , يعنى انت تكتفى بقرايتها بس , او على الاق يكون عندك خلفيه عنها , وبعد ما تخلص مذاكره موضوع , وتقفل الكتاب وبعدين ترجع تانى للكتاب عشان تذاكر موضوع جديد , قبل ما تخش على الموضوع الجديد , اديها بصه سريعه على اللى ذاكرته , فى الاول عشان تبقى فاكر ومتنساش .


ازاى تذاكر بطريقه كويسه من غير ملل وبتركيز

1- اول حاجه ما تذاكرشى وانت بالك مشغول او فى حاجه فى دماغك , يعنى لازم تكون دماغك فاضيه من اى حاجه عشان تذاكر بتركيز .

2-حاول تلاقى مكان كويس تذاكر كويس فيه يعنى يكون هادى ومفهوش ضوضاء , ونصيحه اخويه ابعدوا عن المذاكره الجماعيه .

3-لو لقيت نفسك مليت بتذاكر غير طريقه الجلوس بتاعتك فى المذاكره او غير مكانك , او اذا لقيت نفسك مليت من الماده اللى انت بتذاكرها , غيرها على طول وخش على ماده غيرها , وحاول دايما تبتدى المذاكره بماده سهله عشن تفتح نفسك على المذاكره وتديك حافز .

4- اوعى تذاكر وانت فى وضع نوم , يعنى ما تحاولشى تذاكر وانت مريح على كنبه او على سرير , لان ده هيسببلك ملل وبعدين تلقى نفسك بتنام , مش بتذاكر

وطبعا الطكلام ده يا جدعان مش مع كل الناس بينفع يعنى فى ناس بتذاكر غير كده خالص , لكن انا قلت اللى انا بعمله شخصيا .


لا تنسونا بصالح الدعاء ولى معكم عوده فى موضوع اخر , واى حد محتاج حاجه يقولىوانا ان شاء الله ربنا يقدرنى واديله المفيد .

شكرا ليك ياحسين على الموضوع
جزاك الله الف خير

وربنا يسترها معانا السنه دى كلنا ياااارب وننجح بتقديرات كمان

شكرا على ردك يا سحر والتوبيك نور بيكى

ميرسي ليك يا حسين

الواحد مش عارف يقولك ايه عموما شكرا جزيلا وربنا يجعله في ميزان حسناتك انشاء الله

شكرا انا استفدت جدا من التعليمات والتوجيهات

jano كتب:شكرا انا استفدت جدا من التعليمات والتوجيهات

نورتى التوبيك يا زميله اولا احب ارحب بيكى فى المنتدى , ثانيا ممكن تتفضلى فى موضوعى اللى انا عامله وعنوانه (موضوع هيعرفنا على بعض) واتفضلى عرفينا بنفسك , وده من خلال الرابط ده

https://svuq.ahlamontada.com/montada-f10/topic-t213.htm
وان شاء الله مستنى ردك على الموضوع .

شكرا يا سحس على الموضوع

مشكوووووووووووووووووووووووووور خالص حسين

الف شكر لك ياحاج حسين وربنا يوفق الجميع
تحباتى إلك ياحبيب قلبى ياسحس