نكت مفيش ارخم من كدة بصراحة‏

من طرف dr_mido_20012000 الخميس يوليو 30, 2009 6:47 pm

واحد ندل عرف أن الأموات بيحسوا ويسمعوا وقف على المقابر وشغل أغنية الحياة حلوة

مره اتنين حشاشين قاعدين بيحششو
فا واحد قل للتاني : هو انا لو (بوست) مراتك ابقي كده خونتك
فا التاني قاله لأ
قاله اومال ايه
قاله نبقي خالصين

واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه

ايه الفرق بين البطيخ والبرتقان ؟؟؟؟؟.......... الاتنين مبيتعملوش عصير ليمون

مرة كان في قرية كل الناس الي فيها اغبية وكان عندهم حفرة كبيرة في نص القرية وبيقع فيها ناس كتير فجي الناس واختاروا اذكي تلاتة فيهم علشان يحلوا المشكلة دي, الاول قال احنا نجيب عربيات اسعاف جنب الحفرة علشان الي يقع نودي المستشفي علي طول . التاني قال لا احنا نبني مستشفي جنب الحفرة اريحلنا , التالت قال طب مأحنا نردم الحفرة دي ونروح نحفرها جنب المستشفي

بعد ما اخترعوا جهاز كشف الكدب حبوا يجربوه فجابو واحد قاهري و واحد سكندري و واحد صعيدي وطلبوا منهم يألفوا اي حاجه خيالية و يقولوها للجهاز
جه القاهري قال احنا فكرنا ازاي نخلي المش فاهم يطير......الحهاز ضربة علي قفاه
السكندري قال احنا فكرنا ازاي نطلع القمر.......الجهاز ضربه علي قفاه
جه الصعيدي قال احنا فكرنا......الحهاز ضربه علي قفاه

مره واحد احول ابوه مات دفن امه

واحد حرامي قرر يتوب سرق شريطين لعمرو خالد

سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه

واحد صعيدى وقع من الدور التاسع نزل لقى ايدية مجزوعة قال علية الطلاق مانا طالع تانى

مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين

محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!

مرة سمكتين عملوا حادثة عشان المية دخلت فى عينيهم

___________________________________________

وابقى سلمولى بقى على الرخامة

تحياتي
dr_mido

من طرف حازم الأقصر الخميس يوليو 30, 2009 6:53 pm

ههههههههههههههههههههههههههههههه مية مرة حقولها مفيش حاجة اسمها رخامة وده هوه تطور حس الفكاهة عند المصري يعني من الاخر مفيش نكت رخامة دلوقتي خالص كلها نكت زي العسل ههههههههههههههههههههههه

النكتة بتاعة الفراخ واللجنة انا سمعتها من زماااااااااااااان بس اية جنان احلاهم

وكمان الاولي بتاعة الندل اللي شغل اغنية الحياة حلوة

TAX DR\MEDO