وداعا ً اخوتي الى اللقاء لا استطيع التكمله دموعي تعجز

مالم يكن هناك من داعي وامر جلل لرحيلك لا سمح الله

فلا احد منا سيقبل بهذا الوداع ابدا

يا مجرد انسان

كل منا له بعض المحطات ليقف فيها بعض لوقت ويأخذ نفسا عميقا ومن ثم يعود لحياته وواجباته التي فرضت عليه برضاه ام لا وان كان ببعدك بعض الراحه لك لتعود لنا بنشاطك وودك وحنيتك وشخصك الكريم الذي اعتدنا عليه فلا باس
اما لو كان هذا البعد بسبب احدنا او ادارتنا او اي عضو قد اساء اليك فلن نقبل بغيابك بهذا الشكل

لاننا وبصراحه لم نعتد منك الاستسلام والهروب بهذه طريقه

فأعد النظر بما أنت مقبل عليه من ترك للاخوه والاخوت الذين اعتادوك واعتدتهم ولن يقبلوا ابدا بخسران اخا لهم كان لهم السند والفرحه وصاحب الكلمه الصادقه والدافئه

لي عوده بعد ان ارى منك ما انت مقدم عليه ... هذ لو كان لنا في نفسك بعض الاحترام ورايت ان من حقنا ان نعلم اسبابك

يا جماعه احنا مش كل يوم واحد يقول حنسحب لالاسف يا احمد قرار انسحابك غير مقبول مينفعش تمشى

على فكرة انا متابعة المنتدى والمواضيع الى فيه وبصراحة كدة علشان انا مش بعرف اجامل انت لو مشيت المنتدى هيبقى احلى مليون مرة انت مواضيعك كلها رزلة ولو مش مصدق شوف عدد الردود عليها وانت تتأكد فأنت من الافضل ليك ولينا برضه انك تتكل من هنا ومتسمعش كلامهم انسحب متزعلوش منى انا مش بعرف اجامل

احمد
انتا قبل كدا قولت انك هتمشى بسبب احد الاعضاء
ودلوقتى بتقول انك عايز تسييب المنتدى
اكيد فى اسباب (ياريت نعرفها)
بس بردوا اعمل الى انتا عايزو محدش هيجبرك على حاجة(نتمنى ان تكون هنا فى المنتدى)
تقبل سلامى captin_hema4

أية يا ابو حميد أنا
يمكن محلفنيش الحظ وقابلتك ابل كده بس بعيدا عن الكلام الكتير والمجاملات الاكتر أعد النظر فى ماعزمت

على فكرة انا متابعة المنتدى والمواضيع الى فيه وبصراحة كدة علشان انا مش بعرف اجامل انت لو مشيت المنتدى هيبقى احلى مليون مرة انت مواضيعك كلها رزلة ولو مش مصدق شوف عدد الردود عليها وانت تتأكد فأنت من الافضل ليك ولينا برضه انك تتكل من هنا ومتسمعش كلامهم انسحب متزعلوش منى انا مش بعرف اجامل

ما شاء الله انتى جريئه خالص علي فكرة

وناس كتير وهنا بالذات لا بتحب الصراحة ولا الناس الجريئة

وابقي شوفي اللي حيحصل

على فكرة يا YARA_LOVERS كلمك دة مش صح بالعكس انت مش بتفهم خالص لاني المواضيع مش بالردود
المواضيع بكلمات المواضيع مش بالردود وانا عارفة انك انتى وعاشقت جنات عاوزين مجرد انسان يترك المنتدى
انا مليس يومين مشتركة فى المنتدى بس انا قريت كل المواضيع وشايفة مواضيع مجرد انسان
من اشد واحسن المواضيع فى المنتدى مش رزلة زى مانتى بقولى
وياريت تحترمى راى الغير يا YARA_LOVERS وعاشقة جنات بلاش الحقد الفيكم دة
وانا حاشة لو مجرد انسان ترك المنتدى المنتدى هيخرب بسببكم انتو الاتنين
عاشقة جنات

YARA_LOVERS

بلاش حقد يا اعضاء يا ملكمش لزمة

متهيالي انا رديت عليكى في الرسالة الخاصة اللى انتى بعتيهالي

وياريت يكون اللى كتبته وصلك

لان بجد كدة شكلنا كلنا بقي مش حلو

نازلين تخبيط في بعض

وبنجرح بعض واحنا مش فاهمين احنا بنعمل اية

كل واحد فاكر نفسه صح

كل عضو يخالف عضو تانى فى الراي يقول انا حسيب المنتدى

وبعدين يرجع

مابية بس الا انه يخلى الدنيا تقوم ومتقعدش

لية كدة

متهيالي احنا كبارعلي الحاجات دى

ولازم كل واحد يحاسب علي كلامه

واى حد يقرر انه يسيب المنتدى

ياريت يوضح اسبابة

او ميحطش توبيك ويسيبة كدة والناس تفضل بقي تقول لية واية حصل ومين

وتحصل المهزلة اللى بتحصل مغ كل عضو بيقول انا ماشي

ياريت يا جماعة يكون كلامى وصل صح

وطلب

ياريت نبطل تجريح فى بعض

لان دة مش حلو فى حقنا

انا مع هيام وحودة ف كل اللى اقوله وفعلا مواضيع احمد كلها عاوزة حد بيفهم يا يارا وانا ليا تعليق على كلام جنات هى بتقول ماشاء الله على جرأة يارا وصراحتها كل حاجة لها حدود ياجنات واللى قالته يارا ده مش جرأة وصراحة ده عدم احترام ووقاحة. هى لومش بتحب تجامل تسكت خالص على الاقل عشان نقدر نحترمها هى لماغلطت ف احمد غلطت ف كل واحد مكنش عاوز احمد يمشى.
ياريت يااحمد كلام يارا ده يكون حافز ليك وتفضل معانا

شكرا يا بسمة
وانا قاعدة فى المنتدى
وراجع بقوة وبكلام جميل

على فكرة كلام عاشقة جنات طلع صح قال انه هينسحب من غير اسباب وخلى الدنيا تقوم والناس تخبط فى بعضيها
وبعدين رجع دة بيعيش الدور انى هو مهم وبعدين فى ناس بتقول انى ردى وحش وهما غلطه فيا زى الى اسمها
بسمة قالت عليا دى وقاحة وهو قال انى مش بفهم وانا فى كل كلامى الى قولتو والى مش عاجبكم مقولتش الفاظ زى دى

بصراحة يا جماعة انا مع يارا انا مش شايف انى هى قالت اى حاجة غلط

يا جماعة كل واحد لية الحق انه يعبر عن راية

بغض النظر هو صح ولا غلط

ومعلش علشان خاطر اى حد واى حاجة نكبر دماغنا

وانا قلت اننا كبار على الحاجات اللى بتحصل دى

نحاول حتى ولو علي سبيل المجاملة اننا نحب بعض

واتمنى ان الموضوع يكون خلص علي كدة

ومحدش يتكلم في تانى

لان زى ما قال ميدو كدة بالظبط

وانا والله عمرى ما شفت الحاجات اللى بتحصل في اى منتدى غير هنا

بص يا مجرد انسان انا كنت مقررة انى مردش عليك في اى حاجة

بس مع بعض كل الاعضاء نبتدي صفحة جديدة

وعايزة اقولك حاجة مهمة

محدش لية الحق انه يقول لاى عضو امشي او خليك

ولو انت عايز تقعد خليك

مش عايز محدش حيغصبك

مش انت لوحد اى عضو

المنتدى دة لكل الناس ومن حق كل الاعضاء انهم يشاركوا

كل ده حصل وانا مش معاكم , ايه اللى بسمعه ده , اول مره اشوف منتدى يحصل فيه الكلام ده , يا جماعه مليون مره نقول الاختلاف فى الراى لا يفسد الود , وبعدين فى حكمه بتقوووووووووول انت حر فيما لا تضر وحطوا تحت الحكمه دى مليون خط

كل واحد حر فى رايه , لكن محدش ليه حق انه ينتقد راى غيره باسلوب غير لائق , وان حدث اختلاف يكون الحوار بطريقه مهذبه .


فى حاجه كمان , بطلب من المشرف انه يقفل الموضوع ده , لانه زى ما احنا شايفين , سبب فتنه وانقلاب فى المنتدى , والعمليه اظن واضحه قدامكم ومع احترامى لبعض الاعضاء الذين تجاوزوا حدود الادب فى الحديث .

يريت يا جنات تقفلى الموضوع ده , ويريت كمان تحاولى تنفذى فكره محكمه الاعضاء اللى انا اقترحتها , و كمان تعملى قوانين ليها باعتبارك احد المشرفين فى المنتدى , عشان لو كل عضو غلط فى زميله او تجاوز حدود الادب , توقع عليه عقوبات يقررها قضاه المحكمه , عشان نتلاشى المشاكل اللى كل لحظه والتانيه نلاقيها فى المنتدى . ومش عارفين ايه اسبابها كمان .

ومره تانيه بكرر الانسان حر فيما لا يضر , والمنتدى لكل الناس مش لفئه معينه , وكل واحد حر فى التعبير عن رايه بشرط عدم تجاوز حدود الادب و الحوار , وعدم الاسهزاء بأراء الاعضاء الاخرين , وعدم التسكم والسخريه من مواضيع االاخرين حتى وان كانت غير مقبوله او غير هادفه او تافهه , لا يجوز ذلك , وقد قال السول صلى الله عليه وسلم , المسلم من سلم الناس من لسانه ويده , وقال ايضا , من كان يؤمن بالله واليوم الاخر فليقل خير او ليصمت .

وبمعنى تانى , كل اللى عنده كلمه كويسه يقولها , واللى معندهوش حاجه كويسه , يسكت احسن عشان ما يوقعشى فى الغلط , لان كثره الكلام وان كان صحيح قد يولد بعض الاخطاء فى بعض الاحيان , والواقع العملى والعلمى يؤكد ذلك .

ومحدش ليه حق انه يقول عضو امشى اوسيب المنتدى , لان المنتدى مش ملك لحد , المنتدى لكل الناس , والعضو اللى يغلط فى المنتدى يستحق توقيع العقاب عليه , بس قبل توقيع العقاب يقوم المشرف بانذاره ويكون فى رساله خاصه , وكمان لو فى عضو مش عاجبه كلام حد من الاعضاء يبعتله رساله على الخاص مش فى المنتدى على العام , وكمان مشروط بعدم تجاوز حدود الادب فى الكلام .


مره اخيره احب افكركم بحديث الرسول تانى عشان الغلط ما يتكررشى , من كان يؤمن بالله واليوم الاخر فليقل خير او ليصمت .


وربنا يهديكم

انا اول واحد احط ايدى فى ايدك يا احمد

رائع يا حازم