للبنات فقط

انا انهرده جايب لكم موضوع لذيذ وياريت يغجبكم

للبنات فقط

-شاب بيبص على البنت الحلوة
(لان الله جميل يحب الجمال)
بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .


3- ممكن الشاب يعجب بيكي للحظة و ينساكي بعديها ولا كأنه شافك قبل كده .


4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .


5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .


6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .


7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك وحشة ) .


8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .


10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .


11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .


12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن



13- على فكرة الشاب بيعيط
(مهما بان جامد و قوي مهوا بني آدم برضو) .


14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .


15- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .


16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .



17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .


18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك

19- الشاب بيتجنن لما بيلمس ايدك .

20- الشاب لما يكون بيلعب بكلامه و بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .


22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان .


23- لما تقولي لشاب " لأاااه " بيسمعها هوا حاول تاني بكرا
(معلش أطرش هههههههههههههه) .


24- الشاب بيكره الشاب الفافي .


25- الشاب بيموت في أمه (يعني كلوا الا هيا) .


26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .


27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .


28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .


29- الشب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .


30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس هههههههههه ).


32- صح انك تجربي الشاب الأول قبل ما تصدقي كلامه بس متسيبيهوش مستني كتير برة دائرة ثقتك .


33- الشاب غالبا بيبقى صريح قوي لما يجي يتكلم عن نفسه .



34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح و واحد بيتكسف من خياله.


35- الشاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق
(خوديها من قاصرها وقوليله يروح يغير) .


36- الشاب بيحب البنت المحترمة حتى لو مكانتش أمورة للدرجة .


37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من مولهد بلا حمص ايد ورا و ايد قدام ) .


38- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .


39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .


40- الشاب لو حبك و كنتي مرطبتة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .



41- الشاب بيحب البنت اللي عندها حاجة اسمها عقل مش البنت اللي بتلبس ( مينيي جيب ) .


42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه

43- عملياً الشاب بيتفاخر عن كل حاجة تخصه ( ده أساسي يعني هههههههههههه ) .


44- الشاب غالباً عمره ميتآمن على سر خدي بالك بقي مبيتبلش فيه فولة وده غصب عنوا ديه طبيعة عادي يعني .


45- الشاب دماغه مبتهداش على طول بتودي و تجيب مبيبطلش تفكير ابدا .



46- الشاب خياله واسع قوي (يرمح فيه الخيل يعني . . . ههههههههه) .


47- الشاب طولك عنده مش مهم بس صدقيني مفيش عندو أهم من وزنك حااااسبي .


48- الشاب دايما لما يدخل علاقة جدية بيكون متملك لأبعد الحدود
( يعني هيقرفك قوي بس لو بتحبيه استحملي دي طبيعة آدم لما يحب) .


49- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .


50- غالباً بيكون صعب على الشاب يسيبك و خصوصاً اذا كان بقالكوا مع بعض أكتر من 3 سنيين ( يعني لو عمل كدة هيكون بيدوس على قلبه ) .


51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .


52- تجذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمره مهيكبر و يعقل ويبطل لعب العيال


53- لو حصلت ظروف مش قد كدة غالباً الشاب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسه اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .

54- الشاب عموماً عنده انفعال و شغف انه يتغير للأحسن
* بس إرادته للأسف ضعيفة يعني محتاج منك زأة لو مفيش مانع ههههه .

55- الشاب يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .

57- لما الشاب يقولك انه مجنوون بيكي يبقى فعلا حبك عمله جنان و غالباً مش بيكدب .

58- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقه يدايقك
(بس مش الزن اللي يخنق) .

59-الشاب في الحقيقة غالباً ملوش قرار نهائي ( وخدي بالك من النقطة دي) .

60- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .


62- لو الشاب فضل ساكت و قافل بقوو متقلديهوش و تقعدي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الشاب ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

65-الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه

شكرا يا غاليه علي النصائح الحلوه ديه

هما كتار كدة لية

مش قادرة اخلصهم

ومتهيالى يا هيما ان اللى حاطط الموضوع دة واحد مش واحدة ولا اية

مشكور جدا على الردود

اولا : انا واحد مش واحده يادكتور هيما ولعلا تكون معرفة خير

ثانيا:متشكر جدا ليكى ياعاشقة واوعدك المرة اللى جاية انى اختصر

ثالثا:اقولك على فكرة حلوة يامحمد انت كل مرة خدلك جزء وبالنسبة لرؤيتك انا بحيك عليها لانى صحيح الموضوع

دا منسوخ ودا بيدل على معرفتك وخبرتك بس بطلب منك طلب ياريت ترجع تشوف الموضوع دا فى منتدى اية

وشوف مين اللى كاتبة وحتعرف انى انا ناسخة من نفسى ودا مش عيب لانى انا اللى كاتب الموضوع اصلا


وبعدين ياخوانا احنا قايلين للبنات فقط

هههههههههههههههههههههههههههههههههه

وبعدين ياخوانا احنا قايلين للبنات فقط

دة حب استطلاع

ولو كنت قلت للشباب بس كانت البنات دخلت

الله يحرق حب الاستطلاع

بس ياريت تسمعى النصايح دى كويس ياجنات

والله انا مش محتاجة نصايح انا الحمد لله تماااااااااااااااااااااااااااام

طيب ربنا يجعلك تمام على طول

لما هو للبنات فقط يبقى المفروض الى تكتبه بنت دة اولا
ثانيا الكلام الى انت كاتبه دة كاتبه على اساس انى احنا عايشين فى باريس انت عايش فى مصر يا اخ ومش فى مصر وبس لأ دة انت عايش فى جنا يعنى جلب الصعيد جاى تجولنا الكلام دة هنا

توتى فروتى كتب:لما هو للبنات فقط يبقى المفروض الى تكتبه بنت دة اولا
ثانيا الكلام الى انت كاتبه دة كاتبه على اساس انى احنا عايشين فى باريس انت عايش فى مصر يا اخ ومش فى مصر وبس لأ دة انت عايش فى جنا يعنى جلب الصعيد جاى تجولنا الكلام دة هنا

مشكور توتى على مرورك على التوبيك تبعى بس احب اوضح لك حاجة بسيطة

انا من معرفتى ليك انك انت لسه فى سنه اولىيعنى معذرتا انت جديد على الجامعة وانا لو مكنتش لقيت دا فى الجامعة اوعدك انى مكنتش حكتبة

بس انا ممكن اشاورلك على اماكن فى الجامعة تشوف فيها بنات باريس اللى انت بتقول عليها

ياريت متكونش زعلت عيبى صراحتى

وكل سنه وانت طيب

لا والله انا مش زعلان منك واعذرنى انا فعلا يمكن مش بشوفهم علشان انا مش بروح كتير ولما بروح بروح لهدف محدد وانا لما قولت كدة قولت على اساس انى البنات الى فى الجامعة دول بنات قنا مش حتى تانىانا معرفهاش

لا دا بجد زى مابقولك وياريت تقولى هو انت فى اولى ايه

كلية اية

السلام عليكم ورحمه الله وبركات

حبيت اقول ملاحظات ع الموضوع الي انت كاتبه

لموضوع شيق وجميل والعنوان جذاب صحيح لكل الشباب

س الموضوع طويل ويخلي الواحد يمل من القراه


انا اسف ع الرد اذا كان ازعجك بس


تقبل مروري انا : سناافي بوظبي

موضوع جميل جدا. بس أنا مع توتى؛ فى كتير فى الجامعة ملهمش فى الحوار ده . وعلى فكرة أنا ملاحظة ان بنات باريس دول معظمهم متغربين وفعلا احنا فى قلب الصعيد لسه القيم والاخلاق موجودة وبخير

مشكور سنافى وكارمن على المساهمة فى التوبيك وعلى فكرة دا لذيذ ياجماعةانى احنا نختلف باراءنا

انا لو جبت موضوع عادى يمكن مكنتش لقيت الردود دى كلها من الاعضاء الحلوين دول وبجد انا سعيد بالردود دى كلها

وانا معاك ياسنافى انى الموضوع طويل جدا بس اوعدك انى ححاول اختصر فى المرات اللى جاية

الموضوع حلو يا صحبى بس مش لازم تكشفنا قدمهم يا صحبى

دى ثقة مش بكشفك

علي فكره يا برنس انا مش محمد انا عماد
انت غلطت في التعقيب علي الموضوع بتاعي في اسمي وشكرا يا زعيم

الموضوع جميل جدا.
يشغل الشباب (اولاد-بنات)شوية ونسيهم هممهم.
بس لا اعتقد ان شاب يضع بعض من ثقتة فى بنات الزمن دة(خصوصا داخل الجامعة)
ولا اية رايك
(اعتذر للمحترمات) ولكن العموم.........javascript:emoticonp('')javascript:emoticonp('')javascript:emoticonp('')

الله يخيب نظرتكم فينا