باتشوكا المكسيكي يهزم الأهلي فى مبارة مخيبه لامال جماهير الاهلى

والله حرام الاهلى يوصل لليابان ويتهزم الهزيمة الفظيعة دى بس برضه منزعلش لان الكورة فيها مكسب وخسارة وكويس ان النتيجة وصلت لكده وعاد الاهلى بخفى حنين

شاهدت المباراة حتى نهاية الشوط الثانى بسبب موعد العمل
وتوقعت فى حالة لعب اضافى انهيار الاهلى تماما بسبب الضعف الواضح فى اللياقة البدنية الذى ظهر طوال الشوط الثانى على اللاعبين وهو العيب الخطير فى مباريات الاهلى الاخيرة

انا مشفتش المباراة بس انت عامل ليها تحليل حلو خالص

ومش عارفة اقول اى حاجة عن الهزيمة

بص يا حوده , فى وحهة نظرى واللى انا شايفه وشايفاه ناس كتييير , سبب هزيمه الاهلى الأتى

1- اول حاجه الياقه البدنيه للعيبه الاهلى واظن كله شاف حاله لياقه لعيبتنا ولا لعيبه باتشوكا لاخر الماتش .

2-عدم توفيق مانويل جوزيه فى التغييرات , ومش هعلق عليها عشان اكيد كانت واضحه قدامكم مين طلع ومين نزل .

3- انا كنت حاسس ان لعيبه الاهلى بتلعب وهى خايفه يعنى ببساطه بيلعبوا تحت ضغط نفسى.بس على فكره السببين الاوليين هما السبب الرئيسى لهزيمه الاهلى وفى رايى الشخصى اللعيبه لياقتها كانت بايظه كيك فى الشوط التانى وببساطه احنا لعبنا شوط واحد بس وطبعا هو الشوط الاول , والشوط التانى بتشوكا هو اللى كان نسبه الاستحواز الاكبر على الكوره .

4- ليا وقفه بعد اذنكم مع التحكيم , الحكم ازاى ما يحسبشى فاول ابو تريكه اللى قدام خط ال18 , ويديله انظار وكمان فى كام كوره تانيه محبهومشى زى كوره جيلبيرتو اللى على الناحيه الشمال , لما فتح اسبرنت بالباك اليمين بتاع بتشوكا وعمل معاه فاول واضح ومع ذلك محسبشى حاجه ومشى الكوره عادى .
ومدرب باتشوكا عرف يستغل تغيراته صح , وعرف يضيق على لعيبه الاهلى فى الشوط التانى , ويخنق على نص الملعب , وبكده هو عرف يضرب الاهلى ضربه قاتله , وحقق التعادل فى الشوط التانى , واحرازه الهدفين فى الوقت الاضافى وعلى فكره لعيبه الاهلى حصلها حاله من الياس بعد الهدف التالت واظن ده كان واضح لدرجه ان انا شفت بعينى احد لعيبه الاهلى بس مخدتش بالى مين هو واقف برا خط ال18 على الناحيه اليمين بيتفرج على الكوره . وباقى الاهداف سببها ثغرات قاتله لدفاع الاهلى .


5- عمنا امير على الرغم انه عمل ماتش كويس وادى اداء مرضى , الا انه برده مش هقول انه لا يسال عن الهدف التانى , الفاول اللى اتشاتت من برا ال18 , عشان هو معرفشى يظبط الحيطه كويس وكمان الكوره كانت فى زاويته , ومع احترامى الشديد لامير عبد الحميد, الحضرى لو كان فى الكوره دى اعتقد مكنتش دخلت فيه , لان عصام كان صمام امان لفرقته وبالذات لليبرو و الدفينسات , لانهم بيلعبوا وهما عندههم اطمئنان كبير على المرمى, ثانيا الخبره تفرق فرق كبير فى الماتشات الكبيره اللى زى كده خاصه فى بطوله العالم للانديه .

وهى دى وجه نظرى يا شباب فى سبب هزيمه الاهلى , ويريت اى حد عنده حاجه يضيفها يمكن انا اكون نسيت حاجه او فى حاجه انا مش واخد بالى ليها .

وفى الاول وفى الاخر ده الفوز ده توفيق من عند ربنا , واحنا بنشكر لعيبه الاهلى على اللى عملوه وبقول للاهلى مهما حصل ومهما كان انت الاهلى وانت الكبير , ومهما حصل ليك يا اهلى انا برده اهلاوى وافخر بانى اهلاوى .

مشكور حوده على التوبيك انا والله كنت عاوز اكتب التوبيك مقدرتش بصراحة من الكارثة دى

بس أنا من وجهة نظرى فى اسباب كتير للهزيمة زى ماقال حيبن بس فى سبب يمكن مزكرهوش او انا حاسة

وهو الغرور لعيبة الاهلى اتغرت بعد الهدفين المبكرين

وشكرا مع فينوس من محبى الزمالك