معسكر أعداد القادة بحلوان 2009

ألف شكر ليكي يا بوبس علي أهتمامك بالردج علي الموضوع

تعرفي لو كنتي قلتيلي كنت خليتك تطلعي معانا في الفوج ده بس يالا خيرها في غيرها إن شاء الله

وأنا الحمد لله أستفد حاجات كتير من المعسكر وكان بجد جميل جدا جدا يمكن أكتر من معسكر بور سعيد والعريش بس الميزة الوحيدة اللي في العريش وبور سعيد إنهم نزلوهم البحر

وإن شاء الله نطلع كلنا في فوج واحد بإذن الله السنة اللي جاية

تحياتي
dr_mido

أنا علي فكرة قلت إني طالع المعسكر وساندي يوميها كانت قاعدة بتحقد وتحسد علي المعسكر
وكان نفسها تطلع .... بس إن شاء الله السنة اللي جاية نطلع أحنا كلنا في فوج واحد بإذن الله

وأنت مش قلتي إنك رايحة أسكندرية رحتي ولا قعدي في بلدك الحبيبة قنا
أنا عارف إنك بتحبي قنا خالص ومش عايزة تطلعي منها

بقلك أيه يا بوبس أيه أخبار البنت ساندي قالت هتغيب يومين وترجع واليومين خلصو من زمان
وحشتني مواضيعها ومشاركاتها معانا تبقي تطمنينا عليها إذا كنتي تعرفي حاجة عنها

تحياتي
dr_mido

أنا كنت قايل يا جماعة أن فيه معسكرات تبع الجامعة العريش وبورسعيد وحلوان وأسكندرية
ومحدش يوميها عبرني فانا رحت وسألت في الجامعة وأتعاملت وملقتش حجز غير في حلوان لإن الأفواج كلها الباقية كانت أكتملت ... بس السنة اللي جاية بإذن الله هقلكم أول ما ينزل الحجز ونروح بإذن الله في فوج مع بعضينا لأي مكان بورسعيد أو العريش أو حلوان

تحياتي
dr_mido

أهلا وسهلا بيكي يا سمر وياريت حضرتك تشرفينا بتسجيلك معانا هنا في المنتدي

أما بالنسبة لمعسكر أسكندرية ...
أنا اللي أعرفه أن معسكر أسكندرية الفوج 1.2.3.4 أتلغي ما الفوج 5.6.7 هام اللي هيسافرو بإذن الله
والنهاردة كان أول فوج يروح أسكندرية وهو الفوج 5 والفوج بتاعك اللي هو 6 هيسافر يوم الخميس اللي جاي إن شاء الله...
أما بالنسبة لمكان أفواج اسكندرية هي بتكون علي ما أظن يعني في أبو قير أو في المعمورة
وهو فيه خروجات مش مفهوش بس قليل يعني ده بتاع حلوان بس هو اللي مغلق خالص مفيش حد ولا بيخرج ولا بيدخل...أما بتوع أسكندرية زيهم زي بتاع بورسعيد والعريش

هذا والله ورسولة أعلم

يارب اكون أفدت حضرتك يا أخت سمر

تحياتي
dr_mido