برنامج دارك .......للضيوف الاعزاء....

mema كتب:مساااااااااااافره
ههئ ليه هى فره
كل الى يشارك فى البرنامج ده يختفى
بلاش تلاكيك ولا اقولك
خلينى بنت ناس معاك للاخرتروحى وترجعيلنا
بالف مليون سلامه
نستودعك الله الذى لا تضيع ودااااااااااااااااائعه
فى انتظار روجعك بالسلامه على احر من الجمر

mema كتب:
سؤال جيه متاخر
البطاقه الشخصيه بالكامل
اكرر بالكاااااااااامل
من هىsealove؟ ببساطة هى بنت مصرية ولدت و عاشت فى راس غارب و من اسرة صعيدية الاصل بس عمرها ما راحت هناك و لا تعرف حاجة هناك غير اقربئاها اللى بيجوا غارب و دوقتى طالبة جامعية بعد سنتين حتتخرج و تعمل مشروع خاص بيها ادعولها ربنا يوفقها
وماذا تحب ان تكون؟ انسانة ناجحة فى حياتها
ولماذا؟ حتى تكون قدوة صالحة لاولادها يقتدوا بيها فيطلعوا رجاله بمعنى الكلمة
لو فى ايديك تغيرى اسمك هتختاريه ايه؟ رقية
ليه سميتى نفسك sealover؟ البحر دا حاجة جوايا ما اقدر اعيش من غيره او اشوفه انا اتولدت فى اجمل ما يكون فى البحر الاحمر و ارتبط بيه مش عاوزة اقولك ان ساعات بحس انى بكلمه و بيرد عليا و على فكرة انا كل اصحابى كاتبينى على موبايلتهم كدا و البلوتوث كمان (لو فضلت اتكلم عن البحر مش حاخلص) بس هو فعلا حاجة تتحب . بعد ما خلصت الثانوى قلت مش حاشوفه غير ........... بس الحمدلله الكلية على البحر على طول يعنى بشوفة كل يوم
ايه هو هدفك؟ان اعيش حياة مستقرة و مستورة
ايه الحاجه اللى نفسك تعملها ومش عملتيها؟غير كليه الاعلام؟ نفسى اروح العمرة
وايه هى الحاجه اللى عملتيها؟ الفسح
امتى بتكونى راضيه عنsealover؟ لما تكون سبب فى اسعاد حد بحبه
وامتى بتكونى غضبانه منها؟ لو خالفت الحق او مبادئها
بتقدرى تقسى عليها؟ نعم
لو عقبيتها بتعقبيها بايه؟مش بخليها تنام طول الليل
ولو صلاحتها او كفئتيها بيكون بايه؟بوديها البحر
ايه اكتر اكله بتحبيها؟ال take away عموما و المكرونة البشاميل خصوصا
وايه هى الاكله اللى لو حصل ايه عمرك ما تكليها؟كل انواع الجبن
وايه الاكله اللى بتتميزى بيها؟البانيهات
وايه الاكله اللى محدش يقدر ياكلها من ايديك؟ المسقعة علشان مش باكلها عمرى ما عملتها

وووووو كفايه كده لحد ما ارجعلك تانى مستنياكى بس يا رب اكون احم احم .....عجبتك
اوعى تتاخرى

mema كتب:ممكن تجهز اسئلتك
لsearlover
وكمان تشارك المتر فى اختياراته
وتجهز الهديه وتيجى بيها الاحتفال
عايزين نشاط يا محمد ربنا يعزك

mema كتب:يااااااااا رب يعجبوكى
ها نبتدى جد شويه
طبعا احنا اول النهار وصااااااااايمين
يعنى لا فى مشروبات ولا ماكولات
حظك كده بقى (يا ستى انا بارد وقت قبل السحور و بعدين يعنى لما سالتى بعد الفطار كنتى جبتى ايه و انتى ما تعرفيش غير تاكلينى اسئلة و بس)
المهم ركزى فى صور البحر
ومددى على الشيزلونج(ادينى ممدة)
ولو سمحتى
ريلااااااااااااااااااكس خالص
وابدعينا باجاباتك
الاول نكمل اسئله المطبخ
- طبق السلطه ايه اهميتة عندك ..... ما لهوش اى لازمة

- بتخلصي كام حلة محشي على الغدا .... دا احنا بيتنا كله بنعمل 2 كيلو او 3 بالكتير و كل حين وانا ماليش فيه اوى يعنى
- بتعرفي تغسلي مواعين ولا شعارك ( كده كده هيتوسخو تاني ليه التعب ) انا باعرف بس مش باحب بس باغسل غصب عنى مافيش الشعارات دى

2 - قسم شغل البيت
- مقدار حبك للأتربه كام في الميه............0 طبعا
- لو قالولك في اختراع جديد بيمنع التراب يدخل البيت هتجبيه ؟؟ طبعا مش محتاجة اجابة

3- قسم الكمبيوتر والتكنولوجيا
- تقولي ايه لمخترع الكمبيوتر !! فناااااااااااااااااااااااااااااان
- تقولي ايه لمخترع الموبيل.......... يا داوشنى ليل و نهار بس فايدنى فى المواقف المهمة
- تقولي ايه لمخترع العدد الصيني.........كفاية مضروب اشتغل اغلى تكسب اكتر
- تقولي ايه لمخترع المكنسه والغساله والثلاجه .......... استااااااااااااااااااااااااااااااااااااااز
- تقولي ايه للناس اللي بيستعملو كل الحجات دي ........ استعملوها ok بس حاولوا توفروا فى الطاقة شويه

4- قسم الحب والحنيه
(ملاحظه يمنع منعا باتا الهزار في الاجوبة ويمنع اصطحاب الاطفال ) شايفانى معايا جيش عيال حاصطحبهم
- قلبك دق ولا لسه ؟لسه
- ايه رأيك في الحب؟ ما اقدرش احكم على شئ ما جربتوش
- ايه رأيك في ماوصل اليه المجتمع من أوهام الحب والعشق....ما اعتقد انى اللى باشوفة الايام دى حاجة كويسة
- اول نصيحه تقوليها لحد بيحب لاول مره..........ازاى انصح حد ما دخلتش نفس تجربته
- لو صحبتك قالتلك انها بتضحك على واحد وعامله بتحبه تقوليلها ايه ؟ وهتعملي ايه ؟مش حاعمل حاجة بس حافضل وراها لغاية ما تصارحة
- تحبي تكوني ايه في بيتك امينه ولا سي السيد ؟؟ ولا حاجه جديده مش نعرفها !!! خير الامور الوسط
- هتزعقي في بيتك ولا اسلوبك هيكون ازى... اعتقد ما فيش اسهل من الهدوء
5- قسم المرح والفرفشه
- احكي على مقلب جامد اتعمل فيك من اخواتك.... كان عندنا فرح و العروسة بتتزوق فى بيتنا خبوا الموبايل بتاعى و راحوا قالوا لبابا و طبعا انتوا عارفين الباقى
اصحابك....... مرة قالولى يلا نخرج قلت ماشى سالت مين نازل قالولى ..و ..و.. المهم نزلت تحت لقيتهمجايبين واحد مش بحبها و لزقت فى الخروجة زى ال.........
من الى حواليك.....مش فاكرة دلوقتى
- احلى محاضره............اى محاضرة لدكتور حسن يونس اكتر دكتور باحبه فى الكلية
- احلى خروجه.......مع اصحابى طبعا
- اخر يوم في الامتحانات كان عامل ازاي ؟ طبعا الصبح كان قلق و بعد الامتحان صور بقى مع سنة 4 و روحنا اتغدينا و بعد كدا رحنا سينيما و بعدين اتمشينا و اشترينا حبة حاجات وروحنا و تانى يوم مشينا
- اوصفي شعورك الجميل لما بتدخلي تلاقي اسأله كتير في انتظارك........حاجة ما تتوصفش و بقول يا رب ميما تكون كتبت اقل من 200 سؤال


امممممممممم
اجهز اسأله كويسه وارجعلك تاني
؟؟؟؟؟؟؟؟ هو لسة فى اسئلة تانى عندك انتى اشتغلتى فى مصلحة الاسئلة للاعضاء الجدد و القدامى ولا ايه
[/b[b]]دى شويه تصبيره بنقولك بيها
الف حمدلله على السلامه