الي كل طلاب الوادي

كلكم طبعا بتقولو ليه احمد بيهاجم الجامعه بالشكل ده شي طبيعي اما اكون عايش طول حياتي في الخليج واشوف الجامعات الصح الجامعات الي بيتقال عليها جامعات واجي اشوف الجامعه دي احزن ولا لا ابكي ولا لا واقول يارتني مجيت ولا لا انما انتو متعودين علي القرف ومش هامكم يبقي مين الي يستحق يتهان انا ولا الجامعه دي انا مش حقول اكتر اني بجد حزين ولكن الحمد لله علي كل شي وريتني مكنت معاكم

بص يا عم احمد ,اولا انا كنت نفسى اعلق على موضوعك تهييس لكن الموضوع للاسف اتغلق , تانى حاجه بص يا زميلى , طالما الجامعه مش عاجباك شد حيلك وهات تقدير وحول منها , ومع احترامى ليك وكل واحد , جامعتنا فى الفتره الاخيره ده بقت مسمعه بين الجامعات المصريه , وانا لاحظت ده بنفسى لما رحت الاسبوع البيئى الاول فى معسكر جمصه اللى بجامعه المنصوره , احنا اللى عملنا اسم للجامعه اللى هما مين بقى يا عمنا ( طلبه الجامعه ) , واى واحد يقول عليها جامعه جموس الوادى , مع احترامى ليه هو اللى ........ مش الجامعه , يمكن كان بيتقال فعلا ان جامعتنا جامعه جموس الوادى , لكن فى الفتره دى جامعتنا بتتقدم وتتطور , وطبعا اعتقد مفيش جامعه متخلفه زى ما بتقول بتتقدم وتتطور , واى طالب قديم فى الجامعه , وقديم يعنى ليه اكتر من 6 سنيين او 7 سنيين مثلا , هيقولك الجامعه من 6 سنيين كانت ايه ودلوقتنى بقت ايه , والتغيير ده سببه الطلبه , يبقى لما تلوم جامعتك , لوم نفسك الاول قبل الجامعه , على الاقل المسخره والانحطاط الاخلاقى اللى فى الجامعات التنيه زى القاهره وعين شمس والاسكندريه , قليل بالنسبه لجامعتنا , وده يعنى انها جامعه محترمه ومحافظه يا برنس .
ولو سيادتك حزين انك هنا معانا فى المنتدى , انا مش همسك فيك واقولك خليك معانا , ولا اى عضو هيقولك كدا ,

وعلى رأى ابن عروس , من حبنا حبناه وصار متاعنا متاعه , ومن فارقنا فارقناه يحرم علينا اجتماعه .

وبعدين قرف ايه اللى انت بتتكلم عليه اللى احنا فيه , هو فين القرف ده , مفيش حاجه قرفق فى الجامعه غير الصيف , والجو الحر بس يا برنس . اتمنى تكون وصلتلك يا برنس .

لا تعليق ياحمد بك والصبر جميل

معك حق يا حازم