كرمبو ......كرمبو .المفتش.كرمبو ههههههه

من طرف مجرد انسان الإثنين مارس 09, 2009 10:11 pm

مساء الفل عليكم
كلنا اكيييييييييد شفنا مسابقات المفتش العبقرى كرومبو
هى حلوه ومسليه بس منتهى الهبل والتفاهه
حتى انا فكرت هما ليه عاملينها سهله اوى كدة
طب ما يصعبوها شويه وهتبقى احلى
وبعين افتكرت ان هما كل همهم ان الناس تتصل لان سعر الدقيقه جنيه ونص
وكل ما تبقى سهله كل ما هتقول الله دة انا متاكد اما الحق واتصل دى الجايزة 5000 دولاااااار يعنى مع شويه حسابات حوالى 30000 مصرى
اووووباااا يلا نجرب
هو احنا ليه بقينا تفهين كدة ؟؟
لا بجد يعنى والله ليه بقينا تفهين بالشكل دة
انا اعرف ناس بتجيلهم فاتورة التليفون بالالف والاتنين عشان عم كرومبو امثاله
اللى غاظنى اكتر بقى دلوقت وانا بعمل بحث عشان اجيب صورة الحج كرومبو لقيت ناس كتييييييير مهتمه بالموضوع ونازله الحلقات فاليوتيوب والمنتديات الكبيرة ويلا اكتبو الحل واللى هيلحق هيكسب مش عارف كام مشاركه
واللى غاظنى اكتر انى مش لقيت الصورة واضطريت انى اعمل برينت للصفحه والفيديو شغال عليها
نرجع لموضوعنا
دلوقتى عملو كمان مسابقه شبه عم كرومبو بس ابوخ وابوخ بتاعت العميل السرى .. بايخه اوى
يمكن كروميو العيال الصغيرة بتحبه عشان كارتون واوقات بيضحك
انما التانيه دى هبله وتافهه ومفيهاش حاجة عدله
واحد عايش دور عم احمد السقا وال ساعد العميل عشان يعرف السارق
المهم شويه اسئله على الماشى
احنا ليه بقينا هايفين وتافهيين كدة ؟؟
ليه بندفع فلوس فحاجة احنا عارفين انها نصب ؟؟
وليه الناس بتصدق انهم ممكن يكسبو رغم انها باينه اوى لان المسابقات اللى من النوع دة بقالها سنين ولحد دلوقت مفيش حد قال انا كسبت
يعنى باينه انه مفيش حد بيكسب وانها افلام
طب ليه اللى بيعملو الحاجات دى بيستخفو بعقلنا بالدرجه دى ؟؟
هو احنا اغبيه اوى كدة ؟؟
باين علينا الغباء يعنى للدرجه دى
مش عارف بس الموضوع استفزنى اووووى
ربنا يخلى كرومبو وامثاله ويخلى الناس الهبله اللى بتصدق
عشان نفضل كل يوم نقول لبعض بدل صباح الخير ... صباح الهبل
وعجبــــــــــــى