عشان ماتتضربش على قفاك

بأسلوب بسيط وبطريقة السؤال والجواب، كتب ضابط الشرطة السابق عمر عفيفى

"عشان ماتتضربش على قفاك"!،


فى سبيل توعية المواطنين بحقوقهم.


الكتاب هتلقوه على الرابط ده

http://www.up-eibda3.com/ma7dod/ma7d...allthebook.PDF

على فكره الكتاب ده بيتكلم عن حقوق المواطن خاصه مع رجال الشرطه , يعنى بيعرفك تعمل ايه فى المواقف اللى بيتعرض ليها اى حد , زى مثلا اما تكون ماشى فى الشارع ويسالوك على البطاقه او يوقفك ويقولك تحرى او اشتباه او حاجه من الحاجات دى, وكل الحاجات دى هتلاقيها مشروحه بالتفصيل , عشان كل واحد يبقى عارف اللى ليه واللى عليه , والموضوع ده بالذات لطلبه الحقوق , عشان هما اكتر ناس يهمهم الكلام ده .

كان نفسى فى الكتاب دا قوى

على فكره ياحسين الرابط مش شغال شوفه تانى من فضلك

الرابط ده شغال يا جدعان وانا جربته شخصيا

http://www.4shared.com/file/45452071/46b60094/___.html

ولا يهمك خد راحتك خالص
بس يارب تجيبه فى الاخر عشان انا نفسى اتطلع على الكتاب

الرابط اهو يا شباب http://www.4shared.com/file/45452071/46b60094/___.html

مشكور على الموضوع بس الرابط مش شغال ياحسين

وبعدين انت بتتكلم على الحقوق متكلمتش لية على قانون الطزارىء اللى محا الحقوق دى

اوكى هحاول اشوف رابط غيره , معلشى بقى على الخطا ده .

حسين بك الكتاب بله واشرب ميته عفوا انتى واللى كاتبه واتكلم براحتك عن حقوق الأانسان وحقوق الحيوان كلهم فى بلدنا الحبيبه وفى ظل الشرطه وأمن الدوله على حد سواء ماينفعش معاهم لا قانون ولا كتاب بس ينفع معاهم كلمة حسبى الله ونعم الوكيل - او يكون عندك واسطه علشان تعرف تطبق القانون والقانون معمول للناس الغلابه اما الأاغنياء فلهم قانونم الخاص بهم وابوس على ايدك هنا بالذات الخلاف فى الرأى يودينى فى ستين داهية وخلينى ننزل اجازتنا من الكويت ونمتحن وحنا محترمين بلاش تبهدلنا

ليه كل التشاؤوم ده يا هوارى , البلد مش سايبه .

يا اخوانا ارجوا انى محدش يغلط فى امن الدولة او فى الشرطة حفظا على سلامتكم الشخصية

نايس توبيك يا ابو صبرى

السلام عليكم ورحمه الله وبركاته

ممكن يا حسين أستأذنك تنزل معايا كده شويه على أرض الواقع

ويا ريت الاعضاء تحكم بينا

أنا عندى الكتاب على الكمبيوتر
أول حاجه عملتها فتحت الكتاب وقرأت أول سؤال .. وهو السؤال ع البطاقه
السؤال بيقول أيه
س : أعمل أيه لو حد من الشرطه وقفنى فى الشارع وسألنى فين بطاقتك ؟

أسمع ياسيدى الاجابه
ج : لازم تعرف هو مين الاول

وتعرف هو مين دى بقى المشكله
يعنى الاستاذ الكاتب بيقول لازم تشوف كارنيه الظابط
يعنى أنت تقول للظابط ممكن أشوف الكارنيه يمكن تكون نصاب ولا حرامى عاوز تقلبنى
والكلام ده سواء الظابط لابس ملكى أو لابس ميرى

والكاتب تفضل بعرض صوره للكارنيه علشان الناس تعرف الكارنيه الحقيقى شكله أيه
يعنى الظابط يقولك البطاقه أنت تقوله الكارنيه

أيه رأى الاعضاء فى الكلام ده ممكن ؟
تانى حاجه عملتها ان أنا أكتفيت بالسؤال الاول وغيرت أسم الكتاب عندى وبقى

عشان متنضربش على قفاك .. عشان تنضرب بالجذمه