مؤتمر جعفر الشعبى............

من طرف dr_mido_20012000 الإثنين أبريل 27, 2009 11:02 pm

من حقى كأى مواطن شريف فى بلد ديمقراطى بتمتع بعهد من الرخاء والحريات
إنى اشرب الشاى أبو نعناع
فى البلكونة ساعة المغربية ، وأسرح مع غروب الشمس،

مؤتمر جعفر الشعبى............ 693469068

لقيت جعفربتاع الدويقه عامل مؤتمر شعبى تحت بيتنا ،
قمت مدلدل نفسى من البلكونه عشان أسمع...!!!!!

مؤتمر جعفر الشعبى............ 952155640

لقيته بيتكلم عن إضراب الصيادله،
وبيقول طب هم عندهم مشاكل مع الحكومه،
ذنب الناس التعبانه إيه؟

مؤتمر جعفر الشعبى............ 996723758

ولقيت واحد دخل فى الحوار إن سواقين المقطورات كمان،
عاملين إضراب وشغل مظاهرات ،
قال إيه عايزين يقلبوا المقطورات ويخلوها تريلات،
كأن شكلها وحش رغم إنهاأشيك من التريلات !!
اتنرفز جعفر ورد عليه وقال أهو احنا كده فالحين نعترض على كل حاجه وخلاص !!
وفيها إيه لما تبقى تريلات على الأقل أهو نخلص من شكل المقطورات ،
وكل الحوادث اللى بتسببها وتلاقى طوب ورمل
بيقع على العربيات وهى ماشية ،
وبعدين مش كفايه ماشيين فى كل الاتجاهات يمين وشمال
وتلاقيهم راجعيين عكس الاتجاه كأن مفيش غيرهم ع الطريق وكمان معترضين!!!!

لقيت واحد نبيه وذكى قال اهدى بس كده وسأله عن الزمالك،
الناس بصت له باستغراب وردوا عليه فى نفس واحد ،
إن الطبيعى إن الزمالك يتغلب،
وهو يعنى من إمتى كان بيكسب ولابيفرح الناس اللى بتشجعه؟!
سكتهم الواد جعفر وقال لهم لا الموضوع كده يتلخص فى إن
الزمالك عامل خطة عشان ينزل للدرجه التانية ،
ويقدرينتقم من بنى عبيد،ويبدأ صفحة جديدة ،
عشان ربنا يكرمه ويروح اليابان بدل ميت عقبه اللى مطلعش منها

جت الولية أم جعفر بتجرى وهى بتصرخ وتقول "السفاح ... السفاح ..." ،
الناس استغربت وقالتهم مش مسكوه خلاص ولا لسه ليه ورثه ولا إيه ؟؟!!
قال لهم هو محدش سأل نفسه قبل كده
، ليه كل مجرم بيعمل مصيبة ولا سفاح حتى معارض ،
يقول لك ده مجنون ابن مجنون،
وعيلته كلها متبريه منه من سنين،
ويطلع لك كام دكتور فى التليفزيون،
يقول لك إن المجانين فى نعيم إحنا بلدنا كلهانعيم فى نعيم؟!

مؤتمر جعفر الشعبى............ 903587983

ولقيت الواد سنيح بتاع كلية الحقوق بيقول أنا مش عايز أشتغل محامى،
يعنى أتخرج من الكلية وبدل ما أشتغل
ألاقى نفسى عامل إضراب عشان الرسوم القضائية اللى عايزين يزودوها ؟!
طب ما هو كده احنا مش هنلاقى شغل واللى عنده قضية أو مشكلة مع حد هيكتفى بالدعاء عليه،
بدل ما يرفع قضية
يبيع فيها هدومه عشان يسدد رسومها وأتعابها ،خلينى فى الكلية أحسن،

مؤتمر جعفر الشعبى............ 903824740

وقبل ما يقعد قام عم "بيومى " وقال يعنى هو اللى بيحصل من تفجيرات فى الحسين ده يرضى مين ؟!
يعنى مش حرام الناس والرعب اللى عاشت فيه؟
والخسارة الكبيرة بعد ما السياح اتصابوا ومش هيجوا المنطقة دى تانى ؟!

مؤتمر جعفر الشعبى............ 276394234

لقيت واحد بيتكلم وبيقول حد يعرف يقرا الودع أو يفتح الكوتشينة؟؟
الناس استغربت ، وقالوا له : ليه يعنى ؟
قال لهم : يعنى نشوف ايه اللى هيحصل لنا
لما أكبرشركة لصناعة الأدوية هتتباع، وياترى هيبيعوها ليه؟؟
هى مش برضه اسمهاصناعه استراتيجيه؟؟
يبقى ازاى هنتخلى عنها؟!

مؤتمر جعفر الشعبى............ 314905968

ولقيت استاذ علام قام وقال بعد اذنكم انا رايح اذاكرعندى امتحانات
الناس استغربت وقالت هو الاستاذ علام ده مش مدرس ولا هو بيضحك علينا ؟؟؟
فرد جعفروقالهم ايوه مدرس بس الوزاره بدل ما بيهتموا بالطلاب ويمتحنوهم
لاء يروحوا يهتموا ويمتنحوا المدرسين بتوعهم اولى علشان يوفروا فلوسهم
ويقولك ده كادر معلمين ؟؟؟؟

مؤتمر جعفر الشعبى............ 334279974

وكمان لقيت واحد قاعد ساكت وزعلان وجعفر قاله مالكيا عمنا في ايه ؟؟؟
قاله المرتبات يدوب بتقضى اكلنا ولبسنا
ده غير فواتير الكهرباء والميه والتليفون الى انا عامله استقبال اصلا؟؟؟
قال ايه بيقولك ده اشتراكات وحق استقبال المكالمات طيب وانا مالى !!!
فرد عليه جعفر وقالانتوا عاوزين الحكومه تعملكم ايه
تصرف عليكم من جيبها ولا تخفضلكم الاسعار؟؟؟

الراجل ما كملش الكلمة وجت البلدية وشالت المؤتمر بالشعب بجعفر،
وخدوا حتى كوباية الشاى عشان إشغال الطريق!!
رجعت بضهرى وشربت الشاى ملقتلوش طعم والله يجازى اللى كان السبب !!!
تحياتي
dr_mido

من طرف احمد صقر الثلاثاء أبريل 28, 2009 12:13 am

الله يجازى اللي كان السبب
للهم اجعلنا معمرين في الأرض غير مفسدين مصلحين غير مخربين

من طرف hamada.elalamy الثلاثاء أبريل 28, 2009 1:02 am

بصراحة تسلم ايدك يا ميدو

انتا عرضت جميع المشاكل فى قصة عم جعفر
وكل اللى حيقراء الموضوع حيموت من الضحك على مشاكله اللى اكيد كل واحد اتعرض لمموقف من دول

بجد الموضوع دخل دماغى

من طرف dr_mido_20012000 الثلاثاء أبريل 28, 2009 1:46 am

شكرا ليك يا أبو صقر علي مرورك وربنا يتقبل منك دعائك إن شاء الله
وشكرا ليك يا علامي علي ردك الجميل ويارب بجد تكون فكرة الموضوع عجبتك
نورتو التوبك يا رجالة
تحياتي
dr_mido

من طرف محمد عادل الثلاثاء أبريل 28, 2009 6:20 am

نايس توبيك يا مان

من طرف محمد المعتصم الثلاثاء أبريل 28, 2009 8:37 am

حسبى الله ونعم الوكيل

من طرف dr_mido_20012000 الثلاثاء أبريل 28, 2009 11:34 am

شكرا لمروركم المعتصم وأبو عادل نورتو التوبك يا شباب
تحياتي
dr_mido

مؤتمر جعفر الشعبى............

مؤتمر جعفر الشعبى............

رد: مؤتمر جعفر الشعبى............

رد: مؤتمر جعفر الشعبى............

رد: مؤتمر جعفر الشعبى............

رد: مؤتمر جعفر الشعبى............

رد: مؤتمر جعفر الشعبى............

رد: مؤتمر جعفر الشعبى............