ابليس مش راضى عن حالنا

السلام عليكم ورحمة الله وبركاته
‏
للشاعر على سلامة
‏
على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده
‏
م
ن
ق
و
ل

ياكش اصحى من النوم اسمع خبره هو الزفت دة مش هيموت


نايس توبيك يا بسمة

ههههههههههههههههههههههههههههههههههههههههههههههههههههههههه

لذيذه لذيذة يابسمة والله
فكرتنى بنكته بتقول
احدى رؤساء الدول العربية اجتمع بإبليس ليستشيره في امر ...
فسأل الرئيس عايزين نعمل حاجة جديدة في الشعب دلنى
فاخذ يوسوس له .... فيقول له هذا الرئيس فعلتها قبل ذلك ...فيعيد الكرة بفكرة جديدة فيخبره بانها قديمة جدا وانه نفذها مرات عديدة.........حتى تعب إبليس فأخذ ودنه وسوس له الرئيس فقام إبليس واقفا وقال : لا يا راجل مش للدرجة دي .

ههههههههههههههه نورتونى ياجماعة والله

ولا عمره هيرضى

انا نفسى ميبقاش راضى عشان احنا كويسين ومحدش بيسمعله لكن ميرضاش عننا بالطريقة دى دى حاجة تحزننا على نفسنا.
نورتينى يا انجلينا

ربنا يهدينا ويهديهم اجمعين
نورت ياحازم