كلنا عارفين دة طيب وبعدين

من طرف عاشقة جنات الأحد مايو 10, 2009 1:28 pm

صدقني أنا عارف إن الصلاة فرض وإني لازم أصلّي في الجامع
صدقني انا عارف إن السجاير حرام وإنها بتضيع فلوسي وصحتي
صدقني أنا عارف ان القهاوي حرام
صدقني انا عارف إن المفروض ماارتبطش بالبنات وأكلمهم.. وإن اللي هعمله معاهم هيتردلي في عيلتي
صدقني انا عارف إن أنا على غلط وإن أنا كده قريب من النار
صدقني أنا عارف أن الحشيش والإستيلا والمخدرات حرام وبتضيعلي عقلي وبتخليني زي الحيوان
صدقني أنا مش وحش وأنا بحب ربنا وبحب النبي صلي الله عليه وسلم
صدقني.. وصدقني.. وصدقني
*******
صدقني أنا عارفة إن شعري لازم أغطيه وإني بآخد سيئة بكل شعرة بتبان منه.. وإن كل شاب بيتفتن بيّا بآخد سيئة عليه
صدقني أنا عارفة إني لازم أصلي.. وإني أحافظ على نفسي لحد ما أتجوّز
صدقني انا عارفة إن المفروض مقعدش على قهاوي وأشرب شيشة
صدقني انا عارفة إن المفروض محدش يلمسني غير اللي يحلّ ليّا بس
صدقني أنا عارفة إني المفروض ما أنزلش من بيتنا بالهدوم دي
صدقني.. وصدقني.. وصدقني
وفي الآخر إدعيلي ربنا يهديني
*******
معلومة بسيطة: المعرفة غير الإيمان
إنك عارف ان الصلاة فرض, مش كفاية
كلنا عارفين ان اللي بيسمع الأذان بيوطّي صوت الكاسيت وقت الأذان.. إنما لو كان مؤمن كان نزل صلّى
انا عارف إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة.. إنك أغلى من الجواهر.. متقوليش القماشة اللي عى الراس دي حجاب مش هنضحك على بعض
*******
إنتوا فين؟.. ورايحين فين؟
انتوا مستنيين إيه؟
مستنيين إن أخوك أوأختك أو بنتك تموت قدامك وهي بتعمل المعصية؟
مستني إن ربنا يبتليك بسرطان ولاّ شلل علشان تتوب وتفوق من اللي انت فيه؟
مستنية إن ربنا يبتليكي بمرض جلدي عشان تخبّي لحمك ؟ ولاّ يوقعلك شعرك اللي مطيّراه على الناس؟
ولا مستني ربنا يعميك بعينك اللي ما بتسيبش بنت معدية ؟
مستني إنك تدخل القبر ويسألك الملكين: من ربك؟ ومن نبيك؟ وما دينك؟
هترد بإيه؟
هرتد باللي كنت عايش عليه في الدنيا؟
كنت بتعيّط عشان حبيبك.. ومعيّطش من خشية ربنا؟
كنت بتبص للبنات ومبصّتش في كتابه تقرأ قرآنه؟
هتقول إيه لنبيك على حبك ليه؟ هتقوله انا بحبك بس مبسمعش كلامك؟
فوقوا بقى
فوقوا بقى قبل ما تموتوا
و اخيرا اللهم احفظنا جميعا من مهالك الدنيا و مفاتنها و اغننا بحلالك عن حرامك اللهم امين يا ارحم الراحمين

منقوووووووووووول

من طرف dr_mido_20012000 الأحد مايو 10, 2009 1:49 pm

اللهم احفظنا جميعا من مهالك الدنيا و مفاتنها و اغننا بحلالك عن حرامك اللهم امين يا ارحم الراحمين

بجد جزاكي الله كل خير يا ساندي علي الموضوع الأكثر من رائع ده
وربنا يهدي شباب وبنات المسلمين جميعا اللهم أمين يارب العالمين
وربنا يجعله في ميزان حسناتك إن شاء الله

تحياتي
dr_mido

من طرف احمد صقر الأحد مايو 10, 2009 3:24 pm

اللهم احفظنا جميعا من مهالك الدنيا و مفاتنها و اغننا بحلالك عن حرامك اللهم امين يا ارحم الراحمين

لا حول ولا قوة إلا بالله

من طرف محمد عادل الأحد مايو 10, 2009 4:17 pm

بارك الله فيك يا ساندى

من طرف fayroz الإثنين مايو 11, 2009 6:34 pm

اللهم احفظنا جميعا من مهالك الدنيا و مفاتنها واغننا بحلالك عن حرامك اللهم امين يا رب العالمين
جزاكى الله كل خير ......يكون فى ميزان حسناتك ان شاء الله

من طرف حسين صبرى الأربعاء مايو 20, 2009 10:55 pm

المشكله ان الناس عارفه الحرام والحلال والصح والغلط وبتعمل الغلط برده , او كما قيل خالف تعرف , والنفس البشريه بطبعها , لا تقنع بما اعطاه الله لها او فرضه عليها , الا من رحم ربى

شكرا على التوبيك الجميل ساندى وتقبلى مرورى

من طرف فاطمه الأربعاء مايو 27, 2009 11:58 pm

اللهم احفظنا جميعا من مهالك الدنيا و مفاتنها و اغننا بحلالك عن حرامك اللهم امين يا ارحم الراحمين

بارك الله فيكى ياساندى وجزاكى الله كل خيرا عنا بهذا الموضوع

من طرف سما الخميس يونيو 18, 2009 3:01 pm

اللهم اااااااااااااااااميييييييييييييييييييييين

من طرف عبدالواحد الأحد يونيو 21, 2009 6:53 pm

موضوع فعلا جزاب

موضوع فعلا يشد

موضوع فعلا جميل

بس فيه مشكله ان جنات صورتها الى بيصلها هياخد ذنوب

عشان ذى ما حضرتك شايفه شعرها والمكياج واللبس

ممكن حضرتك تزعلى من كلامى ده بس والله انا كقولتش ده الى من مبدأ النصيحه ف الله

وانا اسف لو اسلوبى ضايقك

كلنا عارفين دة طيب وبعدين

كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين

رد: كلنا عارفين دة طيب وبعدين