برنامج شباب و بنات !!!!!!!!!!!!!

انا حقولك راى بصراحة الست ليها مطلق الحرية فى العمل وانا لو لقيت شغل حشتغل اما عن موضوع الاختلاط فالمفروض ان الواحدة تعامل كل اللى معاها فى الشغل على اساس الزمالة فقط مش اكتر من كده

اولا الفكرة حلوة جداااااااااااااااااااااااااااااااا ثانيا راى ان الست من حقها انها تشتغل حتى لو كانت مرتاحة ماديا المهم ان ما يكون على حساب بيتها بس هى من حقها تحقق زاتها و كمان مافيش حاجة اسمها زمالة لازم التعامل بين الطرفين يكون ف الشغل و بس و الا سمى فى الشرع اختلاط الرجل الاجنبى بالمراة و الحكم فيه انه حراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام اللى بيحصل بقى الايام دى ان كلمة زميل فالعمل معناة انهم يتكلموا ف اى موضوع و عن اى حاجة او ممكن كمان يوصلها بعربيتة ف الحالة دى تسمى خلوة و برضة حراااااااااااااااااااااااااااااااااااااااااااااااااااااااااااااااااااااااااااااااااااااااااااااام يعنى المبدا مش حرام المهم ننفدة ازاى

على فكرة ياحمادة انا اول مرة اشوف الموضوع مع انى بدخل المنتدى كل يوم بس معرفش ازاى مش شفته انادورت عليه لما لقيتك جايب سيرته فى موضوع (دارك) معلش طولت عليك

رأيى فالموضوع ده ان الواحدة مهما عملت استحالة هتقدر توفق بين شغلها وبيتها وجوزها وعيالها ونفسها لازم هتيجى على حاجة من الحاجات دى وهتقصر فى حقها وانابشوف ان حتى لو فى مشكلة مادية لوالست متفرغة للبيت هتقدر تدبر حالها كويس وحكاية تحقيق الذات بالنسبالى لوقدرت احافظ على بيتى واربى اولادى تربية كويسة عشان يعرفوا يعيشوا فالزمن ده ويقدروا يتغلبوا على الحاجات الوحشة اللى فيه ويطلعوا رجالة بجد او امهات من الزمن الجميل زى مابيقولوا متهيألى مش هعوز اكتر من كده تحقيق ذات.
عارفة انى طولت عليكم جدا بس معلش بقى.
ميرسى ياحمادة عالفكرة الحلوة دى

بصراحة جواز الصالونات دا حاجة كويسة الى حد ما و غالبا بيجيب نتائج مرضية بس انا ضد واحد يروح يخطب واحدة عمره ما شافها بس علشان هى بنت فلان (دا بيحصل عندنا ف غارب احيانا) . بس انا برضة ضد الناس اللى بتعقد تحب سنين ف الاخر الولد يقول ما اتجوز بنت مشيت معاها و اساسا دا حرااااااااام . بس ف حب طاهر و نظيف بيجيب جواز سعيد بس مش اوى . لان الاتنين مش بيكونوا شايفين عيوب بعض. بعدين يظهر المستخبى .دى مش وجه نظرى دا شئ من اللى بيحصل. اما احنا فى عيلتنا كله جواز صالونات وكمان ما فيش حاجة اسمها دا حب غرضة شريف ولا اى كلام من دا خالص .و بصراحة هو افضل بكتير

الموناليزا قالت كل اللى كان ممكن اقوله وبزيادة كمان انا رأيى نفس رأيها

الموناليزا قالت اللي عايزه اقوله في الموضوع التاني
موضوعك الاولاني ياحماده
ايام الرسول صلي الله عليه وسلم كانت المرأه بتساعد اهلها اوجوزها في العمل وبعدين العمل عباده
بس انا شايفه ان في اعمال يقدر يعملها الراجل ماتقدرش عليها المرأه بحكم طبيعه تكوينها اللي ميزها بيها الخالق سبحانه وتعالي

انا حاقول لكم اللى بيحصل عندنا فى العيلة . لو العريس يقرب للعروسة بتروح اقرب واحدة من اخواته البنات للعروسة و تكلمها و بعد ما العروسة توافق هى و اهلها يروح العريس و عيلته ويبقى الموضوع رسمى قدام الناس كلها......... لكن لو كان العريس غريب عن العيلة بتروح والدته الاول و بعد ما يسالوا عنهم قبل الموافقة بيروح العريس بيت العروسة و يتكلم معاها شوية . لو حصل قبول بينهم ok ما حصلش خلاص كل واحد يروح لحاله و يا دار ما دخلك شر..

حماااااااااااااده ايه التوبيك الخطير ده
موضوعين اجمد من بعض
بس الكلام النظرى غير العملى
يعنى انا ممكن اكون مؤمنه بحاجه والظروف تخلينى اختار حاجه تانيه
يعنى ممكن اكون مقتنعه انى افضل من غير شغل واتفرغ للبيت والاولاد بس ظروف خارجه عن الاراده تغير راى
وممكن اكون مقتنعه ان مفيش حاجه اسمها حب قبل الجواز ولازم لما اجوز اجوز بطريقه معينه ومواصفات معينه
والقدر يلعب دوره
مش شرط كل الى مقتنعين بيه نعيشه وننفذه
الاقدار ليها دور برضه

ممكن ااجل ردى على التوبيك ده لحد ما اعرف
تقصد ايه بالصداقه بين البنت والولد
لان صداقه معناها كبير اوى
بس؟؟؟؟؟؟

اسفة شوفت الموضوع متاخر اوى.بس بصراحة انا ما شفت صداقة بالمعنى الحقيقى بين ولد وبنت كلها اما علاقة حب او ضحك على بعض يعنى الولد يتسلى ويسرح بيها وهى كمان تفضل يووووووووووووه .بس بصراحة انا و اخويا اصحاب جدا و خالى الاصغر بينا علاقة مالهاش وصف و لها نتايج هايلة بس اللى بنشوفة فى الكلية دا انا ضدة بالمرة دى انا باسميها بصراحة و اسفة يعنى(قلة ادب) و غير كدا دا حرااااااااااام فى الدين اسمه الاختلاط ... فيا بنات اللى عندها اخ حيكون اولى و اقرب و انصح صديق لها غير كدا لالالالالالالالالالالالالالالالالالالالالالالالالالالالا ....

مفيش حاجه اسمها صداقة بلمعنى المطلق ممكن يكون معنى نسبى لما تكون العلاقة خفيه وملهاش لازمة يعنى مثلا جامعه او مدرسة صداقة عشان الهدف من الجامعه مثلا او من المدرسة مش غلط

او يكون ف البيت عندهم وعندها عرفين بلعلاقة دى برضة مش غلط لكن غير كده @@@2

ايه يا جماعة فين تعليقاتكم الموضوع مهم يالا اتكلمو

سوري يا جمااااااااااعه انا جيت متاخر
بس انا في راي الصداقه حاجه كويسه والله لما تكون مبنيه الاحترام
طيب والله العظيم وانا في الكليه كنا جروب جميل جداااااا وعمري ما انساه
الجروب بتاعنا في العملي كنا 7 افراد منهم بنتين ساميه ومنال والله العظيم عمري ما انساهم ابدا
كنا بنتعامل بمنتهي الاحترام وفي العملي كنا احنا السبعه مع بعض ومشروع التخرج بتاعنا كان واحد وعملنا المشروع في سيوه وكان خاص برصف الطرق وقعدنا في سيوه 13 يوم كنا الفرقه كلها بس كل جروب مشروعه لوحده فكان في جهاز بنستخدمه اسمه توتل استيشن مهندسين المساحه يعرفوه كنا الشباب نقف احنا علي الجهاز ونخلي ساميه ومنال يمسكوا البرزم ونفضل ننادي عليهم روحوا شمال روحو يمين والله بهدلناهم بس بضحك واحترام الله يمسيهم بالخير يارب