ينفع كدة..............

هاااااااااى شباب فى حاجة عندنا فالكلية اسمها الجامعة المفتوحة ودى اى حد من اى حتة باى شهادة يلتحق بيها و فيها كليات كتير (تجار - حقوق- اداب- اثار- اعلام) و لسة.... المهم ان كلية الاعلام السنة دى حتقبل طلاب الثانوى العام بمجموع50 ف المية و كلية الاعلام ف الحكومية 97 ف المية يرضيكم ان الرووس تتساوى يعنى ما فيش فرق .انا كنت فى الثانوى طلعت عينى علشان ادخلها بس فرقت معايا 3 فالمية و بالتالى راااااااااااااااااح الحلم و دخلت تربية و النهاردة بعد دخولى الكلية بسنتين يطلع قرار زى دا طيب ممكن حد يقولى اللى بيحصل دا فى مصلحة مين! . انا خلاااااااااااااااااااااااااااااااااااااااااص رضيت بنصيبى بس دلوقتى ممكن حد يقولى ازاى نساوى طالب ال50 ف المية بطالب 98 . اعتقد دى قمة الظلم ..حسبى الله و نعم الوكيل.........

هاىsea lover
انا معاك ان ده بجد ظلم
بس المهم ان الواحديرضى بنصيبه
ويعرف يكمل فى مشواره الى ربنا كتب هوله
لاننا لو فكرنا كتير فى الفرص الى بتضيع مننا
هنتعب بجد

بصى ياsea هى الرؤوس مش اتساوت ولاحاجة بتاع الجامعةالمفتوحة ده شهادته مش اكتر من مجرد ورقة ممكن ترفع درجة فالوظيفة اللى هو فيها لكن هى مش بتشغله يعنى لازم يكون شغال عشان يشتغل لكن لومش شغال يبقى يبلها ويشرب مايتها مش هتنفعه بحاجة اصلا انا سألت فالموضوع ده كتير وكل الناس اجمعت على كده.
بس كده ياستى ولاتزعلى نفسك

لا هى شهاده الجامعه المفتوحه بتشغل بس اللى معاه واسطه وانا اعرف ناس كتير خدوا الشهاده دى واشتغلوا بيها ..