ممكن اعرف السبب اية ..

من طرف hamada.elalamy الجمعة أغسطس 07, 2009 4:12 pm

طب عا العنوان باين من شكله

انا حبيت اعرف هو لية فى ناس كتير فى المنتدى بتدخل ومش بترد على المواضيع الجديدة رغم انهم بيظهر اسمهم فى المتواجدين فى المنتدى
رغم دة يدخلو يردو على المواضيع اللى بتخصهم وبس

وحتى ولو ردو عى اى موضوع جديد اخرهم كلمتين وبس طب لية يعنى

انا مش عارف مين اللى مسؤال عن المنتدى دة علشان ابعتله رسالة

بس انا حبعت رسالة لواحد اعرفه وهو عضو معانا " محمد عادل "

وبطلب منه يثبت موضوع " برنامج دارك " لانك يا عم محمد انتا نقلته فى منتدى المسابقات وفاكر ان دة احسن بالعكس دا الموضوع ضاع وسط باقى المواضيع ومحدش حياخد باله منه يا ريت بعد اذنك تثبت الموضوع وتحذف المواضيع المثبتة واللى مالهاش لازمة والكل عارف كدا ..

وفى طلب تانى , فى موضوع اسمه شباب وبنات فى المنتدى الثقافى ياريت تثبته وتشيل اللى مالهوش لازمه دة بعد اذنك

واتمنى ان الكل يرد ويقول الحاجات اللى مالهاش لازمة فى المنتدى بصراحة وكمان كل واحد يقول سبب ان الناس بتدخل المنتدى لية وما بتردش
وفى حاجة امر وهو لو واحد رد على موضوع بيرد بكلمتين وبس ومش بيتناقش فى الموضوع ولا بيدى رأيه اللى بيعبر عنه

الصراحة هو فى منتدى جديد عامله ميدو اسمه " شباب جامعة جنوب الوادى " احتمال كبير لو استمر المنتدى دة على حاله حسيبه وروح فى منتدى ميدو الجديد بس انا ماكانش هاين عليا

وانا متأكد ان اللى حيرد على موضوعى دة هما هما بتوع كل موضوع جديد ويتعدو على الصوابع واحب اديكم ملحوظة
حاولو قبل ما تدخلو الموضوع تشوفو عدد المساهمات وعدد مرات المشاهدة حتلقو فرق شاسع جدا ودة دليل على ان الناس تشوف الموضوع وبتكسل ما تردة

والسلام عليكم " انا قلت اللى فى نفسى ويارت الكل كمان يعمل زى "...........والنقاش مفتوح

من طرف nemo abdo الجمعة أغسطس 07, 2009 5:03 pm

انت ليك حقك يا علامى تعمل كده لان بجد موضوع دارك موضوع جميل وخسارة انه يتحط فى منتدى المسابقات بس موضوع الاعضاء اللى بيدخلو ومبيردوش ده يمكن عشان المنتدى هو هو ومفيش حاجة جديدة فيه نفس المواضيع نفس الاعضاء فالواحد اكيد بيزهق انا حصلى كده وكنت خلاص حسيب المنتدى بس مقدرتش عشان بجد انتو بقيتو عاءلتى التانية بس الايام اللى فاتت انا ملاحظة تطور وكمان فى اعضاء كتير بيدخلو ويشتركو ده يكفينا شرف ان ناس من الامارات تشترك فى المنتدى انت اكيد عارف مين
معلش طولت عليك santa

من طرف fayroz الجمعة أغسطس 07, 2009 8:19 pm

فعلا برنامج دارك من المواضيع الل محتاجه تثبيت
وبخصوص الاعضاء والردود فعلا بيبقى فى فرق بين الردود والمشاهدات فى ا لمواضيع وبتبقى حلوه يترد عليها وممكن مناقشتها
بس انا شايفه ان اعضاء كتير جداد بس ما شاء الله عليهم مواضيعهم مميزه وردودهم كما ن فى كل الاقسام

من طرف mema الجمعة أغسطس 07, 2009 9:35 pm

معاك يا عالمى ان الموضوع لازم يتثبت
والمفرض كمان التعليقات على التوبيك يبقى فيهامناقشات وابدارء للراى اكتر من كده
انا لما جبت قصايد فى المنتدى الادبى كان نفسى تتناقشو معايا فى ابيات الشعر
وجمالها وايه مدى اعجابكوبيها واعتراضكو على اى جزء منها
لازم التفاعل يكون اكتر من كده
بس مفيش داعى يا عالمى انك تسيب المنتدى ده
منتدى ميدو جميل وانا اشتركت فيه
بس ايه المانع انك تشترك فى منتدين
ميدو معملش المنتدى بتاعو عشان احنا نسيب المنتدى ده
وسورى طولت عليك

من طرف hamada.elalamy الجمعة أغسطس 07, 2009 10:59 pm

طبعا يا بنات كلامكم صح الصح ودة اللى كنت متوقعه ان ناس بسيطة حترد على الموضوع ومن ضمنهم انتو طبعا وبشكركم

بس كان نفسى باقى الناس تشارك برأيها فى المشكلة وانا عرف ان الموضوع مش حيتثبت علشان المسؤال مش حيشوف الموضوع من اساسه ...

وياريت تشوفو عدد الردود وعدد المشاهدات حتجدو الفرق شااااااااااااااااسع

وفعلا فى ناس جديدة فى المنتدى ماشاء الله عليهم ناس محترمه واصحاب مراكز بس لية يعنى العضو يرد على موضوع معين وينفض لباقى المواضيع ولو رد يرد بكلمة ورد غطاها " اية السبب " ...

كل واحد بيهمه مواضيعه هو ومش بيهتم بمواضيع الاخرين انا حتكلم على نفسى بس واقول انى اى عضو اعرفه ما اعرفهوش برد على موضوعه واجامله كمان وبضع صور فى ردى كمان ولو كان موضوعه فى مناقشة بجيب معلومات تانية للموضوع

طب حقلكم حاجة عينى عينك لما بنلقى موضوع فية مشكلة او موضوع عام فى الحياة وبيحتاج مناقشة , لو بصيتو فى ردود بعض الناس حتلقو انه كاتب " موضوع جميل , توبك رائع , شكرا على المعلومات " طبعا دة كلام مرفوض انتا لازم تشارك برائك ووجهة نظرك بعد كدا تتشكرلصاحب الموضوع ...

معلش انا مستنى مناقشة اكتر من كدا علشان كل اللى فى المنتدى يشوف حل فى المشكلة دى ويحسن من ادائه

والسلام عليكم اصدقائى الاعزاء

من طرف انجلينا جولى السبت أغسطس 08, 2009 12:28 am

عندك حق يا حماده وانا فعلا دايما بسأل نفسى السؤال ده بخصوص بعض المواضيع المثبته وهى مش محتاجه تثبيت خالص لانها بتكون مجرد سؤال والاعضاء بترد وبتخلص الحكايه يعنى مش محتاجه تثبيت ..

وفى حكايه الرد على المواضيع الردود كلها بقت شبه بعض طب ليه يعنى ؟

المفروض يكون فى تعليق ع الموضوع سواء بالتأييد او الرفض المهم تثبت وجودك
لكن اللامبالاه دى متنفعش

من طرف dr_mido_20012000 السبت أغسطس 08, 2009 12:51 am

يا جماعة أهدو كده وصلو بينا علي الحبيب المصطفي صلي الله عليه وسلم

أولا عايز اقول حاجة يا جماعة وأعتبروني أخوكم الصغير مش هقول الكبير لإن أكيد فيه ناس هنا أكبر مني سنا ومقاما ...
واللي هقولو ده من تجارب حصلتلي من يوم ما عرفت أيه معني نت ومعني منتديات ...

وأولا أنا عايز اقولك حاجة يا علامي أنت بتكتب الموضوع علشان الناس ترد عليه ولا بتكتب الموضوع علشان الموضوع نفسه عجبك وعايز تفيد بيه ناس تاني ... لو بتكتبه علشان ردود الناس يبقي حق ليك إنك تزعل ... أما أذا بتكتبه علشان الموضوع عجبك وعايز تفيد بيه ناس تاني يبقي مليكش الحق إنك تزعل

بس ياريت يا علامي متزعلش من كلامي ده لإن هو الكلام اللي معترف بيه في أي منتدي مهما كان كبير أو صغير هتلاقي أن فيه مواضيع مثثلا عدد المشاهدات 100 ومفيش مثلا غير 10ردود بس
فده لإن الواحد بيكتب موضوع مش علشان حد يدخل يقولة شكرا ولا ميرسي هو بيكتب الموضوع لإنه عجبة بجد وحب يفيد بيه غيره مش أكتر وهو بيكتب الموضوع مش منتظر كلمة شكر من اي حد ...

وهنا معظم الناس يا علامي ملهاش في معني منتديات او متعرفش أيه معني منتدي أو أزاي أشارك في منتدي وأكتب مواضيع وأفيد وأستفيد فيه ...مع أحترامي للأعضاء النشيطين وهما عارفين نفسهم كويس والأعضاء اللي أشتركت معانا جديد ...

ثانيا يا علامي أنت أديتني المجال دلوقتي إني أتكلم وأقول للأأأأأأأأأأأأأأيف مفيش أدارة ماسكة المنتدي علشان تنظم وتطرد الأعضاء اللي ملهومش لازمة واللي بدخلو بكذا أسم ... وهو ده السبب الرئيسي اللي خلاني أعمل منتدي شباب جامعة جنوب الوادي الجديد واللي بعض من سيادتكم أشتركو معايا فيه ...
ثانيا أنا قلت أعمل حاجة تليق بإذم جامعة جنوب الوادي وبينا علي أساس إننا أعضاء وأخوات في منتدي واحد ... وأنا معملتش المنتدي الجديد علشان الناس تسيب المنتدي ده وتروح المنتدي بتاعي ومجيتش بضرب كل عضو وأقولة تعال أشترك ماعيا في المنتدي الجديد ... لأ بالعكس انا قدمت أقتراح وكل واحد من الأعضاء ليه مطلق الحرية إنه يشترك أو لأ ... ولو كنت عامل المنتدي الجديد علشان الناس تسيب المنتدي ده مكنتش أنا قعدت في المنتدي ده لحد الأن ...

معلش أنا طولت عليكم بس كان نفسي أقول اللي في نفسي أقولة

تحياتي
dr_mido

من طرف mema السبت أغسطس 08, 2009 1:16 am

لى تعليق بسيط
بالنسبه لعدد المشاهدات
بيكون اكتر ليه
لا ممكن بعد ما اكتب التعليق احب ادخل اشوف تعليقات باقى الاعضاء
مش بدخل عشان اعلق تانى
وممكن لو لقيت تعليق عايزه اعلق عليه بعملها واعلق
فعادى وطبيعى ان عدد المشاهدات اكتر
ده راى

من طرف انجلينا جولى السبت أغسطس 08, 2009 11:27 am

انا معاكى يا mema فى الرأى ده

من طرف محمد عادل السبت أغسطس 08, 2009 3:51 pm

ماشى يا عم علامى هبثتلك الموضوع انت تامر بس يا بوب

من طرف hamada.elalamy الأحد أغسطس 09, 2009 8:23 am

اولا اشكر الاعضاء
" nemo abdo ,fayroz ,mema ,انجلينا جولى ,dr_mido_20012000 "

على مناقشتهم الجميلة للموضوع وعلى رأيهم الصريح واحب الفت نظرهم لشكل الموضوع لما كلنا نتناقش فيه بجد وبصراحة ..........

بس احب اعلق على حاجة قالها ميدو وهي ...
" وأولا أنا عايز اقولك حاجة يا علامي أنت بتكتب الموضوع علشان الناس ترد عليه ولا بتكتب الموضوع علشان الموضوع نفسه عجبك وعايز تفيد بيه ناس تاني ... لو بتكتبه علشان ردود الناس يبقي حق ليك إنك تزعل ... أما أذا بتكتبه علشان الموضوع عجبك وعايز تفيد بيه ناس تاني يبقي مليكش الحق إنك تزعل "

طبعا يا ميدو كلامك صح الصح بس انا مش قصدى على الرد انى بطلب حد يشكرنى كل اللى بطلبه انى المواضيع اللى فيها طرح مشاكل مايكونش الرد فيها " موضوع جميل , تسلم ايدك " لا كل المطلوب انك تساهم فى حل مشكلة تطرح رأيك تعرف الناس بيك وبشخصيتك عن طريق تفكير انا قصدى كدا .........

وخلاص يا خونا احنا عاوزين مدير يصلح من المنتدى ويغير من شكله والحاجات الناقصة فية ....
وشكرا ...

من طرف SUN الإثنين أغسطس 10, 2009 9:49 pm

كويس يا حماده انك فتحت المجال للنقاش فى الموضوع ده فعلا يا جماعه احنا عاوزين يكون فى مشاركات لكن بردوا لازم يكون فى حوار ونقاش مش مجرد بس اننا نرد على الموضوع عاوزين نتناقش ونتحاور وشوفه كده قسم المسابقات والفكاهه عدد المساهمات والمشاركات اكتر من اى قسم اخر حاسه انه منتدى تسالى بس انا بجد فى حاجات بستفيد منها كتير بس عاوزاه احسن من كده
اقولكم على حاجه المنتدى ده احسه انه اكتر منتدى للتسليه شوفوا كده باقى المنتديات وشوفوا ازاى النظام والادراه فيها انا مش شايفه هنا اى نظام ولا اداره يمكن لما دخلته فى الاول كان مشوق انى ادخله دلوقتى مش لاقيه تشويق حتى شكله ولونه عاوز يتغير يمكن محستش بده الاول عشان مكنتش اعرف منتديات كتيرنفسى بجد المنتدى يتغير ويتقدم احسن من كده

ممكن اعرف السبب اية ..

ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..

رد: ممكن اعرف السبب اية ..