حبيبى فين الاقيك

حبيبى فين الاقيك
قدرنى يا ربى على فراق حبيبى
كانت ايده فى ايدى ونبضه لامس وريدى
كنت ضحكته وامله وبسمته
كنت عمره الغالى وحبه اللى عاش بيه وحيانى
اناجى طيفه ليالى واسهر وحدى اشكى حاله
راح من غلانى وغاليته راح من كان على قلبى راسم دنيته
فين الاقيك وسط الاحبه ادور عليك
فى عيون البشر يمكن تكون ملامحك اترسمت فيهم
سألت عليك 100 سؤال ولا حد جاوب ولا حد قال
انك مريت ولا شافك بشر
فين الاقيك هنا اتقابلنا وضحكنا و تسامرنا
مالك يا مكانا بالحزن مقابلنى فين حبيبى انا وانت وهو ياما اتجمعنا
ما حكى ولا لقيت لسؤالى جاوب
يمكن هناك وسط الزهور يوم اخذتك وعطيتك ليه
ضحك سنه وقال اجمل ما اتهديت
لا لقيت رد ولا عطر النسايم بالمكان موجود
سرعت الخطاوى كأنى المحه
حاسه موجود وريحه قريبه جريت اناديه
واشاور عليه لقيت عيون غير العيون
تتبسم وتقول ما هو موجود
فين الاقيك تعب القلب والله حسرة عليك
كل الاماكن معاك شوفتها بشوفها من غيرك
كأنى ما عرفتها يا حبيبى فين الاقيك
تعب القلب والله حسره عليك ما كنا على كده متواعدين
تروح وتسبنى وحيد وكل الامانى معاك تغيب
فين الاقيك بدعى ربى يجمعنى بيك