علشان الإمتحانات ....

والله يا جماعة موادنا سهلة وبسيطة أينعم أنا معاكم أنها طويلة .. لكن العبرة مش بالمحذوف .. بمعنى أنو هو اللى هيخفف المادة .. يعنى أنا عن نفسى وبصراحة مش من هواة المزاكرة أول بأول .. أينعم هو فشل .. بس أنا من هواة العمل تحت ضغط . بمعنى إنى بزاكر بس ليلة الإمتحان . طبعا تحت ضغط . طبعا أقصد النجاح أوعو تفهمونى غلط وتقولو التقدير .. فأنا عن نفسى بزاكر بطريقتى الخاصة واللى هيا من وجهة نظرى والله موضوعية أنا أولا : طبعا بحدد المحذوف من باب إجتنابه والله ليس إلا وثانيا بجيب فرخ ورق فلوسكاب وبتسلى أقعد أعنصر فى المادة بمعنى تقسيم المادة إلى أقسام ومن ثم أبواب وبعد كدا فصول وبعده لمباحث وبعد كدا لعناوين جانبية همثل مثلا اللى جاى على بالى مادة مدخل العلوم القانونية تنقسم إلى نظرية القانون ونظرية الحق ونظرية القانون تنقسم إلى أربعة أبواب أولها ماهية القانون والفرق بين القاعدة القانونية والقواعد الأخرى وينقسم الباب الأول بدوره إلى ماهية القانون وإلى الفرق بين القاعدة القانونية والقواعد الاخرى وماهية القانون تنقسم إلى تعريف القانون وخصائص القاعدة القانونية وتعريف القانون ينقسم إلى تعريف القانون لغة وتعريف القانون إصطلاحا وعند العلماء وكذا خصائص القاعدة القانونية إلى أربعة خصائص وهكذااااا ..... فبلاقى نفسى عندى المادة فى شكل مخطط للعناصر بكتب أقدا كل خاصية أوتعريف اللى يفكرنى بيه فبلاقى عندى فكرة عامة عن المادة .. بمعنى أصح عندى القدرة على الحشو فى جميع الأسئلة حالة عدم إصابة أى هدف أى دون ترك أى مساحة خالية فى ورقة الإجابة مع بعض التنسيق وشوية دعاااا .. بس ليك مش عليك .. ربنا هيكرمك . دا أكيد بيفتح نفسى للمادة وبيريحنى من الضغط العصبى للامتحان .. ثالثا : مع الاعتزار عن التطويل فى ثانيا .. بجيب أمتحانات السنين السابقة لقنا وأسيوط مع الاهتما بإمتحانات قنا أكثر .. فبمطابقة ورق الامتحانا تتضح المساحات الهامة والتى يعتنى الدكتور بتوصيل تلك الفكرة وترسيخها عن تلك المادة العلمية فيما يعرف بالثوابت .. ياسلام مع شوية رفع معنويات وأنا بجاوب من خلال الفكرة العامة المشار إليها مسبقا فى ثانيا تلاقى نفسك مفتوحة خالص .. فببدأ بالتركيز على الثوابت صمممم .. مع تدعيمها بما قيل لى بأن الدكتور نبه عليه فى المحاضرات طبعا من اللى حضروا .. أوعوا تفهمونى غلط .. وبعد كدا أجيب الكتاب وذلك مع توافر القابلية والرغبة الشديدتين للعوامل السابق الاشارة اليها أبدا بقراءة الكتاب إطلاعا للدعم الذهنى لعملية الحشو التى سوف أقوم بها فمع عناصر صحيحة وتنسيق متميز وحشو موضوعى أضمن يا مقبول ياجيد إن شاء الله ... دا للى مزاكرش وناوى .. واللى بيزاكر ربنا يديلو الصحة .. واللى مش ناوى ربنا يهديه .. واللى مش ناوى خالص ربنا ياخدو ويريحنا .. آآآ سف على الإطالة مع خالص تمنياتى بالإفادة مع مراعاة أن ليلة الإمتحان السابقى الاشارة اليها ينفع تبدأمن دلوقتى فكل ما تبدأ بدرى كل ما الطريقة تنفع .. وربنا يوفقنا ويوفقكم ..
أخوكم / محمود عبدالجواد _ الفرقة التانية _ جيد الا حتة ( مقبول فى الارض _ أمتياز عند الله )

مشكور محمد على التوبيك