إيقاف حسام وإبراهيم حسن وإحالتهما للتحقيق بسبب تجاوزاتهما فى الجزائر

قرر مجلس إدارة اتحاد الكرة برئاسة سمير زاهر إيقاف حسام حسن، المدير الفنى للمصرى، وتوأمه إبراهيم حسن، مدير الكرة، وإحالتهما للتحقيق بمعرفة المستشار القانونى للاتحاد بسبب التصرفات غير المسؤولة، التى صدرت منهما خلال مباراة المصرى مع شبيبة بجاية الجزائرى فى دور الأربعة ببطولة شمال أفريقيا، التى جمعت الفريقين بالجزائر.

واستنكر اتحاد الكرة تصرفات حسام وإبراهيم حسن فى بيان رسمى أمس، تلقت «المصرى اليوم» نسخة منه،

وأكد أن الأفعال التى ارتكبها التوأمان غير مسؤولة سواء كانت داخل الملعب أو تجاه الحكام والجماهير الجزائرية، ولا تليق بالروح الرياضية والعلاقات الطيبة بين البلدين الشقيقين.

الجدير بالذكر أن ابراهيم حسن مدير الكرة بالنادى المصرى دافع عنه وعن شقيقه بعد الهجوم الذى شنته عليهما الصحافة الجزائرية وقرار اتحاد الكرة بايقافهما وقال ابراهيم أن جماهير الجزائر اعتدت على اللاعبين وعليه وشقيقه

واضاف : أنا مصر على موقفى لان الجمهور اللى كنا بنلعب قدامه يستحق هذا الرد وهم استفزونا فى الاول والحكم استفزنى اكثر من مرة ومسك بقى لما باقوله ان عندى لعيب اتعور ومنعنى علشان ما ابلغشى الحكم الاساسى للمباراة وكان هيكسر ايدى وبينادى عليهم علشان يطردونى ، وانا خارج الجمهور فى المدرجات قلعولنا البنطلونات وعملوا حركات يعاقب عليها اى قانون فى العالم ، وعلشان كده ردينا بهذا الشكل ، وهى دى لغتهم اللى اتعودوا عليها من زمان علشان كده انا عملت الحركة دى وكنت اقصد بيها ناس غلطت فى مصر وفيا انا وشقيقى والفريق وفى سفراء مصر .

واضاف ابراهيم حسن لبرنامج 90 دقيقة ردا على سؤال ان ما حدث اشعل فتيل فى العلاقة بين البلدين : الفتيل موجود من زمان بيا او بغيرى ودول شمال افريقيا مش بيحبونا اصلاً ، لكن مشكلتنا اننا بنغرس دماغنا فى الرمل زى النعام واحنا عارفين مين بيحبنا ومين بيكرهنا

وتساءل ابراهيم : مش كل فعل له رد فعل ؟ احنا فى منافسة مليئة بالعداء ولو فزنا ماكناش طلعنا من الملعب ، الناس كانت بتضربنا بصواريخ نار ولعيب دخلت شظية فى رجله واحنا استضفنا هذا الفريق وجمهوره بكل ترحاب واللاعبين كانوا بيلفوا التراك والجمهور بيسقف لهم ويحييهم واحنا استقبلونا بالصواريخ النار
اكمل ابراهيم : انا لا ابرر موقفى ولو تكرر الامر لفعلت مافعلته مرة اخرى ولن اغير موقفى

وقال معلقا على اتهام حسام وابراهيم بالاساءة الى العلاقات قبل تصفيات كاس العالم : اللى ايده فى المية مش زى الى ايده فى النار ، وهل كنتوا هتبقوا مبسوطين لو لاعب جه مولع او اتفقعت عينه ؟ !!

انا جايب لكم النار اللى كانت بتتحدف علينا ومصر اتشتمت بالاسم واسال اللى كان هناك

يا دانا يا ناس كلنا عارفين حسام وإبراهيم بيتطاولوا عادتا لكن المرة دى بجد عندهم حق الجزائرين والعرب دول مش بيحبونا

وغير كدة سمير زاهر بيخاف منهم لانهم عارفين سرقات الاتحاد

والله أعلم

حسام بس دايما متعصب بس انا بحبة

vianouse كتب:يا دانا يا ناس كلنا عارفين حسام وإبراهيم بيتطاولوا عادتا لكن المرة دى بجد عندهم حق الجزائرين والعرب دول مش بيحبونا

وغير كدة سمير زاهر بيخاف منهم لانهم عارفين سرقات الاتحاد

والله أعلم

بتهيألي يا عمرو انه مهما حصل المفروض مايكونش ده التصرف اللي يقوموا بيه هما برده بيمثلوا مصر

اما بقى بيحبونا ولا لاه ديه بتاعتهم هما والمفروض اننا رايحين نلعب مش نتخانق

مش عارفه انا شايفه انه تصرف مش مظبوط

محمد عادل كتب:حسام بس دايما متعصب بس انا بحبة

ميرسي على مرورك يا محمد

عارفين انا كنت بحب حسام وابراهيم وللاسف بعد الموضوع ده انا كرهتهم ودي مش اول مره يعملوا كده والاقاله اللي حصلتلهم دي قليله علي اللي عملوه

مهما حصل برده الرياضه اخلاق قبل كل شئ

اخلاق يا سحس بس حسام الهرم الرابع بتاع الكورة برضة والراجل دة اتظلم كتير

دكتور ميبدو يا محمد عبد المعين متغلطش فى حسام احسنلك انت فاهم

ما تزعلش يا محمد انا فعلا كنت بحب حسام وابراهيم جدا

بس اللي بيحصل ده مش رياضة علشان الرياضة أخلاق ويمكن ده هو السبب اللي غير حبي ليهم

وده كمان غير انهم كانوا بيمثلوا مصر كلها

وعلشان كده هما يستحقوا العقوبه

طيب انا معاكو ياخوانا فى اللى عملة ابراهيم طيب اية ذنب حسام فى الاقالة

ايه يا فينوس مش اخوان مش المفروض يشيلوا الشيله مع بعض ولا ايه

مشكور على الرد