شوفوا البنات اما تيجى الاجازه بيعملوا ايه

اما تيجي الاجازه تلاقيهم
ماسكين التليفون وهات يا رغي
ود ود ود ود ود
لوك لوك لوك لوك لوك

شفتي الواد هريدىكان لابس ايه النهارده

التيشرت كان جميل بس الشوز كان مقطوع

بيقولوا البت مش فاهمه اتقدملها عريس كويس
اه فعلا ..بس رفسته على اساس ان هى حما........ ؟؟

شفتي فستان اليسا الجديد

هيا صحيح البت زعبله اتخطبت
لا.. اصل عريسها مكنش شبه تامر حسني

اما شفت حته واد النهارده
زي القمر وقعد يبصلي كتيــر
وهو تلقيه معبرهاش اساسا

وبعد اما تقفل التليفون مع صحبتها او بعد ما تسبها
تقول البت دي كدابه كدب ؟؟
دي اكيد بتفشر عليا في اللي قالتله

وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني


ويقولوا لك علاقه البنات ببعض اقوي من علاقه الشباب مع بعض


والواحده من دول اما تزعل مع صحبتها
يا لهوتيتي تلاقي الملايه اتفرشت واللسان الجميل تحول اللي بندقيهak 47

علي راي عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوش عنـدي

تخلص مع اصحابها تخش علي الام الغلبانه
ومفيش غير كلمه ((لا)) علي لسانها
و((اشمعني انا..))
متخلي فوزيه اختي هيا اللي تعمل


وياليله سودا لو اخوها قالها اعمليلي حاجه
يا الليله السودا اللي هيشوفها
واما تكون عايزه حاجه منه
اخويا حبيبي ..
فاكر لما قلتلي اعملك شاي من3 سنين وعملتهولك
ويا سلام لو ماسكه عليه حاجه
اول ما يزعقلها ..تقوله مش فاكر لما خلتني
روحت كلمتلك البت اياها
هتنفز الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت يرضخ الاخ البري
.. الوديع..الحالم.. المطيع..الركيك.
.لطلبات الاخت المفتريه



خلاص خلصت علي ماما واخوها واصحابها
تخش علي بابا عشان تنكد عليه
عايزه اجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم



ومن المطبخ للنت للسرير لmelody
واما تلاقي نفسها اتخنقت من اللي عملته
تخش علي المطبخ وهات يا .....؟
كأنه اسد بيفترس وليمه
وهيا تلاقيها قدامك في الجامعه
منتهي الرقه والطيبه والبراءه
وتقولها متاكلي تقولك انا ساندويتش واحد يشبعني
اكل اكل اكل :



مش مهم تاكل ايه
وتقولك انا بطلع زهقي في الاكل
حتي تلاقي الواحده من دول في سنك او اصغر منك
وقدك 9 مرات

انا خلصت , يلا يا بنات دافعوا عن نفسكوا وانتظروا المزيد .............. .

ملحوظه | الموضوع للهزار بدون زعل من بنات المنتدى

شكرا على مرورك وردك يا عموووووووووو را , امل فين ردود بناتنا القمامير .

ولسه ولسه , اما نشوف هيقدروا يقفوا فى وش المدفع ههههههههههه . مشكور على ردك ومرورك يا ميدو .

والله هما كلهم كدة مش اللى إحنا عرفناهم ولو أنتى غير كدة أثبتى

Sahoora كتب:اه
غنوا انتوا بقى وردوا على بعض
هو انتوا ايه اللى انتوا فيه دا

انا مش هعلق طبعا على كلامك يا استاذ حسين جايز يكون البنات اللى انت بتعرفهم بيعلموا كدا
هو انتوا متعرفوش بنات كويسين خالص
دايما ياعينى حظكم وحش مع البنات اللى بتعرفوها

ربنا يهديهم ويهديكم
لما نشوف اخرتها معاكم

ملحوظه | يا سحر الموضوع للهزار والضحك مش اكتر , تانى حاجه ورونا انتو بقى شطاره البنات وردوا على مواضيعنا ههههههههههه واما نشوف الغلبه لمين , هل هتبقىللشباب ولا للبنات .

مشكور يا سحس على موضعك

ههههههههههه ايوه كده يا سحس قوم عليهم وانا حسيت في كلام سحوور انها حتعيط ههههههه معلهش

داحنا بنضحك مع بعض



حسبي الله ونعم الوكيل فيكم ياحكام عرب

عايزة اعر حاجة واحدة

هما البنات مضايقينكم لية

وكلام صح يا سحر

يلا ربنا يهديكم

ههههههههه دي سحر اللي بدأت يا جنات والبادي اظلم

عاشقة جنات كتب:عايزة اعر حاجة واحدة

هما البنات مضايقينكم لية

وكلام صح يا سحر

يلا ربنا يهديكم

يا جنات احنا مش متدايقين منك ولا حاجه , بالعكس انتو زى اخواتنا , تانى حاجه انا قلتها فوق ان الموضوع للهزار والضحك مش اكتر , وطبعا منقصدشى نجرح بيه كرامتكم , لكن زى ما قلت من باب الهزار والضحك , وبعدين انتو بدل ما عمالين تبكوا كده , اعملوا مواضيع وواجهونا بيها , وحاولوا المنافسه , مهو مش كل موضوع نكتبه عنكم ونكون قاصدين الهزار تقعدوا تعيطوا زى الاطفال ههههههههههه , مينفعشى كده , وانا على فكره بسبب ده بقترح انشاء قسم خاص بين الشباب والبنات ةونسميه ( جرأه وتحدى ) , ويضم المواضيع اللى بينافس فيها الشباب البنات , ونشوف الغلبه بتبتقى لمين .

شكرا يا حسن الصعيدى على المشاركه دى بس انا عارفه ان ال كتبته ده مجرد سخريه و هزار للفرفشه بس عشان لو افترضنا(وده افتراض بس )انك معتقد و فكرك عن البنات انهم بالتفاهه دى و الابتذال ده يبقى انت عاوز لفه كبيره للعلاج النفسى

المعتزه بدينها*شامه* كتب:شكرا يا حسن الصعيدى على المشاركه دى بس انا عارفه ان ال كتبته ده مجرد سخريه و هزار للفرفشه بس عشان لو افترضنا(وده افتراض بس )انك معتقد و فكرك عن البنات انهم بالتفاهه دى و الابتذال ده يبقى انت عاوز لفه كبيره للعلاج النفسى

شكرا على مرورك ونورتينا بردك , والموضوع طبعا اكيد للهزار يا عسل مش جد لان الغالبيه العظمى من اخوتنا البنات مش كده , والبنى ادم الغير سوى يقول غير كده .

ملحوظه/

انا اسمى حسين وليس حسن مع انى كلها اسماء جميله لكن خلينا فى الصح , وكونك توصفينى بحسين الصعيدى حاجه افخر بيها , لان معروف ان الصعيد منبت الرجال , بس فى سؤال ؟

لماذا نعتينى بحسين الصعيدى ؟


يعنى ليه ما قلتيش حسين صبرى على طول ؟


ولا كونك تقولى حسين الصعيدى وراها حاجه ؟ سؤال يطرح نفسه

ومره تانيه نورتينا فى المنتدى ومرحب بيكى عضوه واخت فى المنتدى ومنتظرين تفاعلك معانا فى المنتدى .

تحياتى / حسين صبرى, 21 سنه
طالب بالفرقه الثالثه بكليه الحقوق بقنا