امنا الغوله, ابو رجل مسلوخه ومعتقدات اهل الصعيد؟

من طرف dr_mido_20012000 الجمعة يناير 16, 2009 10:14 pm

امنا الغوله, ابو رجل مسلوخه ومعتقدات اهل الصعيد؟

ابو رجل مسلوخه

سمعنا واحنا صغار قصص ومخيفه جدا, ومرعبه من ابويا وامى علشان تخوفنا,
من الخروج ليلا او مقابله اى رجل غريب مهما كانت الاهميه.

وكان التخويف عن طريق :-لو طلعت من البيت هيقابلك ابو رجل مسلوخه وياكلك!!

طبعا كنا نخاف جدا , وفى النهار الكلام يكتر مع الاصحاب عن ابو رجل مسلوخه
البيطلع للعيال ومش بيطلع للكبار, علشان الضغار مش بيسمعوا كلام ماما وبابا....

ولكن للاسف لم يراه احد ابدا ؟ ولم يعرف احد الرجل اليمين ولا الشمال هى المسلوخه
ولا الاتنين هما المسلوخين.
ومسلوخه يعنى الرجل بدون شعر وبدون جلد,,, اللحم فقط يعنى................

واى واحد مش بيشرب اللبن او مش بيسمع كلام ماما وبابا يطلعوا ابو رجل مسلوخه..

امنا الغوله......؟؟؟؟!!!!!

امنا الغوله قصص زى قصص الخيال العلمى ,,,,

اوصاف امنا الغوله عينها حمراء وحوله ,شعرها منكوش,انفها مفلطحه ,قبيحه جدا,
فمها واسع جدا ويبرز انياب مثلا الحيوانات المفترسه.
وهى دى اوصاف امونا الغوله الكانت مخوفه الجميع......

وامونا الغوله هى تجسيد للشر والروح الشريره ,, الغوله هى خوف الطفوله الاول..

وهناك اغنيه لامنا الغوله يغنيها الاطفال فى النهار بس؟

كلمات الاغنيه:- امنا الغوله طقطقى الفوله .... بتعملى ايه؟ .....

نظره امنا الغوله الى اى حد تجلب سؤ الحظ والخوف والنحس...

وهناك قصه على امنا الغوله تقول القصه:-
حيث ان امنا الغوله تكون احيانا رقيقه بالرغم من شكلها القبيح , حيث دخلت اليها
بنت صغيره والقت عليها السلام فقالت لها امنا الغوله: فلينى وكلى قملى .
ففلتها البنت الصغيره وكانت تلقى بالقمل على الارض , وتأكل من كيس معها به حبات
من السمسم, تأكل وتطقطق باسنانها وتقول: الله قملك جميل يا امنا الغوله , احبتها
امونا الغوله ثم ساعدتها فى احضار الدواء لامها الحقيقه المريضه.

من طرف حازم الأقصر السبت يناير 17, 2009 5:21 pm

هههههههههه جميل خالص التوبيك وخصوصا حكاية القمل ي

من طرف حسين صبرى الأحد يناير 18, 2009 6:52 pm

ههههههههههه انت نسيت كمان , ابو رجل مسلوخه ومش فاهم الليل وعفرت النهار .

من طرف محمد عادل الأحد يناير 18, 2009 11:53 pm

ههههههههه يخرب بيت شيطانك يا معين

من طرف عاشقة جنات الأربعاء يناير 21, 2009 3:01 pm

كانت ماما تخوفنى انا واختى زمان علشا ننام

وتقلنا لو منمتوش ابو رجل مسلوخة حياكلكم

وكنت والله اتخيلة واقف علي الباب حاجة كدة شبه الكلب ورجله فيها نار علشان كدة اسمه ابو رجل مسلوخة

من طرف captin_hema4 الثلاثاء يناير 27, 2009 3:54 pm

شكرا على التوبك الجميل دة

من طرف dr_mido_20012000 الثلاثاء يناير 27, 2009 9:14 pm

نورت التوبك يا حازم و حسين و ساندي والكابتن وشكرا علي الردود الجميلة دي يا جماعة
تحياتي
dr_mido

من طرف محمد عادل الأربعاء فبراير 04, 2009 7:08 pm

ماشى يا ابو عبد المعين

من طرف hamada.elalamy الأربعاء فبراير 04, 2009 9:20 pm

انا والدى كان يخوفنى من
< مش فاهم الليل >
فكان يقول لى لو خرجت بالليل
حيقابلك مش فاهم الليل ويقلك شيلنى على كتافك ولو رفضت
حينزل عليك ضرب لغاية ما يبانلك صاحب
وطبعا كنت اصدق زى المغفل ............................

من طرف dr_mido_20012000 الأربعاء فبراير 11, 2009 6:30 pm

شكرا لمرورك يا أبو عادل أنت وحمادة ونورتو التوبك
تحياتي
dr_mido

امنا الغوله, ابو رجل مسلوخه ومعتقدات اهل الصعيد؟

امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟

رد: امنا الغوله, ابو رجل مسلوخه ومعتقدات اهل الصعيد؟