اسئله غبيه ملهاش اى لازمه

فى اسئله ناس كتيير بتسالها والاسئله دى هى مش فى الاساس اسئله لان اجاباتها بتكون بديهيه ومش محتاجه السؤال من اساسه , اهى حاجه تغيظ وخلاص , المهم هقولكم على شويه من النوع ده واكيد انتو بيحصل معاكم كده طبعا ونبتدى

يعنى على سبيل المثالى حصل معايا الموقف ده

اتصل بيا واحد صاحبى على تلفون البيت وانا رديت عليه , والقاه بيقولى انت فى البيت دلوقتى ( لا يا خفيف فى الشارع ) امل مين اللى رد عليك ( خيالى مثلا )

وكمان


راجع من بره تقعد ترن الجرس لحد مصباعك يورم ويجى حد يفتحلك الباب يقولك ايه ده انت جيت
"لا طلعت اضرب الجرس عشان اتاكد انو سليم"

و انت كده لما تبقى راجع من بره و تقول
يااااااااه ده انا هموت من الجوع......فورا يقولوا يعنى هتاكل
((اكيد مش هتفرج على التليفزيون))


إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))


ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بجرب الزراير ))

ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( لا بتفرج على الكتاب اصله عاجبنى , اكيد بذاكر طبعا ))


ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))


أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))


,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))


والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

حاجه فعلا تخنق واسئله ملهاش اى لازمه من اساسه .

نورتوا التوبيك يا شباب , سحروحازم وحماده وميدو .

مشكوووووووووووور