طريقه عمل الكاتشب بالبيت

السلام عليكم ورحمه الله وبركاته

اويكم يا احلى شباب فى الدنيا
شباب جامعه جنوب الوادى


طبعا كلنا متفقين ان الحاله الاقتصاديه اليومين دول مش تمام
دا بالاضافه ان معظم الحجات اللى بنشتريها من برا البيت بتكون فيها مكونات ضاره بالصحه
وعلى سبيل المثال

" الكاتشب "



انا كدا ممكن يتقبض عليا بقول ان الكاتشب ضاره بالصحه
بس طبعا انا مش قصدى كدا انا قصدى ان الحاجه اللى تعملها فى البيت وقدام عينك هتكون واثق فيها اكتر
منعا للشك يعنى

ما علينا

المهم انا النهارده جبتلكم طريقه صناعه الكاتشب بالبيت
حاجه فى منتهى البساطه والسهوله وممكن اى حد يعملها حتى الجنس الخشن كمان
وانا جربت الطريقه دى بنفسى وطلع حلو قوى والله وعجبهم فى البيت جدا

كل واحد يجرب يقول على اللى حصل معاه

توكلنا على الله





5 حبات طماطم
8 فصوص ثوم
بصله متوسطه
1\4 كوب خل
3 ملاعق سكر
1 ملعقه ملح





اول حاجه هنقطع الطماطم قطه صغيره زى اللى بنقطعها للسلطه
ونبشره البصل
ونقطه التوم قطع ضغيره برضوا

نجيب حله حجم متوسط ونحط فيها الطماطم والبصل والتوم كا من غير زيت ولا حاجه
ونحطهم على النار ونسيبهم لغاااااااايه ما يتخلطوا مع بعض

هتلاقى البطل لسه زى ما هو واضح فى الطماطم وعشان كدا هناخد الكميه بعد ما يتخلطوا ونخلطهم فى الخلاط
قبل ما نخلطهم هنضيف عليها جنزبيل وقرفه شويه صغيرين طبعا معلقه شاى يعنى و3 ملاعق السكر ومعلقه الملح والخل
الجنزبيل مفيد جداااااااااااااااا واحرصى على انه يكون داخل فى كل اكلك

بعد ما يتخلطوا كويس هنصفيهم بالمصفايا عشان نتخلص من بزر الطماطم
بعد كدا هنسيبه شويه عشان يبرد
هتلاقيه بقى ى الكاتشب بالظبط دا من حيث الشكل
اما بقى من حيث الطعم هيكون طعمه احلى بكتيييييييييييير