كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

من طرف redsea الخميس فبراير 05, 2009 6:36 pm

الشباب تركز معايا شويه

بص ياسيدى اكتر حاجة البنت تحبها انك تقولها بحبك دى اكتر حاجة بتاثر فيها
يعنى مش تقول مانا قلتهالها من يومين على قد ماتقدر قولهالها لو كل يوم
قولهالها

تانى حاجة هتستغرب منها شوية بس معظم البنات بيحبوها وهى انك تبقى مجنون
معاها مش بتشد فى شعرك يعنى قصدى انها تعيش معاك لحظة مجنونة عارف احمد
السقا فى افريكانوا لما رمى نفسه وقالها بحبك اهه ده اللى انا قصدى عليه
بس مش ترمى نفسك يعنى هههههه

تالت حاجة واللى معظمكوا بيغلط فيها اوعى تكلمها وانت واقف مع صحابك لان
ده اوقات بيضايقها لانها ممكن تكون عايزة كلامكوا سر بينكم هى طبعا مش
مبطلة حكاوى عنك

بس برده مافيش بنت بتحب كلامها معاك يوصل للشباب بالذات خلى بالك

رابع حاجة انت كنت لسة بتقابلها ولسة سايباك مافيش 10 دقايق كلمها قلها
وحشتينى هاموت واشوفك وانت طبعا لما صدقت بس برده كلمها

وانت بتكلمها اوعى تنزل عينك من على عينها هى هتبقى هتموت من الكسوف اكيد بس برده خليك باصص لعنيها وهى بتكلمك ووانت بتكلمها

حاول لو فى حاجة اول واحدة تاخد رايها هى علشان تحس باهتمامك بيها وان رايها يهمك

اى بنت بتحب اللى بتحبه يكون بيغير عليها بس مش الغيرة اللى تخنق حسسها
انك بتغير عليها يعنى هتخرج قولها مش تتاخرى وقفت كلمت حد من زمايلها فى
الكلية قلها مش تزودى فى كلامك معاهم كده يعنى حسسها انك خايف عليها

لو زعلت منك وانت غلطان اوعى تسكت افضل وراها صدقنى لو قالتلك سيبنى هى
عايزاك تتكلم وتكمل وتتحايل عليها اكتر علشان تحس انك خايف على زعلها
وافضل ابعتلعا فى مسجات تقولها انك مش كنت تقصد وانك بتحبها وخليك وراها
لكن لو مش انت اللى غلطان اتقل شوية بس مش تتقل اوى يعنى اخرك يوم واقل
كمان علشان هى ممكن تفتكرك لما صدقت

حاول تخلى لحظاتك معاها رومانسة باى طريقة يعنى تديها ورده تعمل اى حاجة بس تخلى مقابلتك معاها مش تتنسى

افضل وراها لغاية ماتقلك بحبك لو مش كانت بتقلهالك كتير بس مش تكتر اوى
علشان البنات بيتكسفوا من الكلمة دى موووووووت يعنى من الاخر مرة قفل
وقلها انا عايز اسمعها منك

يوم عيد ميلادها الساعة 12 ودقيقة تكون باعتلها تقولها كل سنة وانتى طيبة

وانت بتكلمها فى مرة قلها عايز اسمعك حاجة وشغلها اغنية وقولها دى بتعبر
عن اللى جوايا واطلب منها انها هى كمان تسمعك اغنية توصف اللى هى حاسة بيه
من ناحيتك هى كمان

نيجى بقى للبنات

اعرفى بقى تعامليه ازاى اكيد مش هاعرف اقلك كل حاجة لان فى حاجات انتى
اللى تعرفيها منه يعنى هو بيحب ايه وبيكره ايه لازم على قد ماتقدرى تحاولى
تحبى اللى بيحبه وتخففى من اللى بيكرهه

قالك عايز يسمع منك كلمة بحبك اتقلى عليه شوية واتدلعى بس اوعى مش تقوليهاله

لو لقيتيه عمل حاجة دايقتك اوى ازعلى منه بس مش تتقلى اوى عليه لما ييجى يصالحك الا لو كانت تستاهل بجد

لو جت عينك فى عينه وانتوا مش قريبين من بعض يعنى هو مثلا قاعد مع صحابه وانتى قاعجة مع صحباتك ابتسميله ابتسامه تحسسه انه واحشك

حاولى مش تزعلى من اقلها حاجة وخصوصا من موضوع البنات مش تخنقى عليه اوى
لو لقيتيه بيكلم واحده مثلا زيميلته فى الكلية فى بنات ايه ده انت واقف مع
واحدة غيرى لااا وتعملها مشكلة وانت مابتحبينش بلاش بالمعنى الاصح انتى
كمان الغيرة اللى تخنق دى معظم الولاد بيتخنقوا بسرعة

حاولى تحسسيه انه اهم حاجة عندك فى حياتك وتراعى مشاعره فى كل كلامك يعنى
اوعى تتريقى عليه او تتكلمى على عيب فيه بتعمق لانه حتى لو مش كان مبينلك
انه متدايق هيكون بيغلى من جواه انك شايفة فيه عيب

حاولى على قد ماتقدرى نازلة كلميه قوليله انا فلانة صاحبتى عايزانى انزل معاها انزل؟؟؟؟

ال يعنى بتستاذنيه وانتى عارفة انه مش هيقلك لا بس تحسسيه انه رايه هو
الاول ولو مرة قالك لا اقعدى ممكن يكون بيختبرك يعنى قبل ماتعملى اى خطوة
فى حياتك حاولى تعرفيه

اعرفى ان الشاب غيرك ممكن لما يكون متنرفز يقول حاجة تدايقك ساعتها مش
تتخلى عنه وتزعلى وهو فى حالته دى خليكى جمبه حتى لو قال حاجة دايقتك وبعد
مالموضوع يعدى ويبقى معاكى اتدلعى ال يعنى زعلانة بس برده مش تزوديها
وتكونى انتى عازراه من جواكى

اخر حاجة بقى علشان انا ايدى وجعتنى هههههه لما يكون مبسوط وانتى متدايقه
حاولى حتى لو متدايقة تدارى ده وتعيشى معاه الجو اللى هو عايشة ولو عنده
مشكلة تحليها معاه مش يبقى هو متنكد وانتى تيجى تفرجيه على صور الرحلة
اللى كنتى لسة فيها وانتى عماله تضحكى

عيشى معاه اللحظة يعنى

من طرف محمد المعتصم الجمعة فبراير 06, 2009 3:52 am

والله هوة لو الناس بتعرف اية معنى الحب محدش كان قللك حاجة متزعلش منى ياااااااااصحبى .............
دى تفاهة الحب مش ممكن يكون دة موضوع منك يا راجل

من طرف محمد المعتصم الجمعة فبراير 06, 2009 3:54 am

انا اسف جدا ردى ممكن يزعلك يا صحبى

من طرف redsea الجمعة فبراير 06, 2009 4:38 pm

مقدرش ازعل منك ده فى الاول والاخر رائك وانت حر فى ابدا رأيك

من طرف عماد السباعي الأربعاء مارس 04, 2009 12:47 am

ده موضوع حلو بس مفكرتش في بعض العوائق للحب مثلا
@@@@@@@@@@@السباعي@@@@@@@

من طرف dr_mido_20012000 الأربعاء مارس 04, 2009 8:15 pm

شكرا ليك يا سباعي
تحياتي
dr_mido

من طرف vianouse الثلاثاء مارس 24, 2009 4:01 pm

والله جامده

من طرف حازم الأقصر الثلاثاء مارس 24, 2009 6:31 pm

ههههههههههههههههههههه اية الرومانسية دي

ياعم انت باشا بس حرجع واقولك انا مع رأي محمد المعتصم

من طرف hamada.elalamy السبت مارس 28, 2009 3:42 pm

هى افكار حلوة
بس للاسف دى مش طبيعتى
يعنى انا لو عملت كدا حيبان عليا ان انا بلعب بمشاعرها وان انا واخدها سلاوة وليس على محمل الجد

علشان انا بظهر امام اى حد بشكل رظين وليس الواد الحبيب

وشكر لك ريد سى

كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك

رد: كلمه للشباب وكلمه للبنات ادخل واعرف ازاى تعامل حبيبتك وانتى بردو ازاى تعاملى حبيبك