عشـــان أنا مصـــري

من طرف hamada.elalamy الثلاثاء فبراير 10, 2009 4:21 pm

القصيدة دى عجبتنى علشان كدا انا جبتهالكم

عشـــان أنا مصـــري

عشان أنا مصري بس مش فيها
أشرق أغرب بدمي أناديها
أحب أغازلها وأعشق أناجيها
بدمعة أسيبها ببسمة أنا جيها
وهي مش مني دا كلي أنا ليها

*******

عشان أنا مصري باحب شعبها
ووارث المحبة من طيبة قلبها
وتتوه مني المعاني وما توه عن دربها
وطبعك يا مصري غرقان في حبها
و تقاسي تقول دا زبيبها ضربها

*******

عشان أنا مصري وماليش في السياسة
ولا أعرفش غير كونها حبة كياسة
يعني لماضة فارغة وحساسة في البساسة
بكلمة تلقاك واصل لكرسي الرياسة
وبكلمة تدبسك بأجدعها دباسة

*******

وعشان أنا مصري باحكي عنها الحكاوي
عن ولاد مجدها وعن صحاب القهاوي
وأحب دايماً أقول وأغنيلها الغناوي
وعطشان يا صبايا وعالرجعة أنا ناوي
ولا ها يروي عطشي إلا قلتها القناوي

*******

وعشان أنا مصري باقول أنا المصري
وهي حري وبردي وهي عشتي وقصري
وهي أرضي وسقفي وهي فرشتي وحُصري
باقولها وبسبق حصري لكل جيلي وعصري
مهما قالوا وعادوا ... برضك أنا المصري

من طرف حازم الأقصر الثلاثاء فبراير 10, 2009 8:46 pm

تحيا مصر

بس للاسف مسكينها سفله

عشـــان أنا مصـــري

عشـــان أنا مصـــري

رد: عشـــان أنا مصـــري