الحرس الجامعى بين الالغاء والابقاء ( اتفضل ادخل وقلنا رايك ) خاصه ليكم يا حقوقيين

محكمة "القضاء الإداري" تقضى بـ الغاء الحرس الجامعي داخل الجامعات !!
26/11/2008




قضت محكمة القضاء الإداري المصرية بإلغاء وجود الحرس الجامعي داخل الجامعات وعدم ممارسته أى أنشطة داخل الجامعة .

وقررت المحكمة إلزام الحكومة إنشاء وحدة للأمن الجامعي داخل جامعة القاهرة بدلاً من إدارة حرس الجامعة التابعة لوزارة الداخلية، وأكدت المحكمة أن وجوده داخل الجامعة مخالفاً للدستور وينال من استقلال القضاء.

يشار إلى أن قرار وجود حرس جامعي تابع للداخلية معمول به بالبلاد منذ سبعينيات القرن الماضي، ومن المتوقع أن يتم الاستشكال عليه من قبل الحكومة المصرية.

كان أساتذة عدد من الجامعات خاصة جامعة القاهرة قد اشتكوا من وجود الحرس داخل الحرم الجامعي، واعتبروه اعتداءا على حرية الحركة الطلابية .

واتهم الاساتذة الحرس بأنه يتدخل في شئون الطلبة والانتخابات الطلابية ويقمع الحركات والمظاهرات الطلابية .


يريت بعد ما تقروا التوبيك , تدونا رايكم فى الموضوع ده , ولا تمروا عليه مرور الكرام , ويريت تصوتوا عليه فوق .

ايه يا جدعان هو الموضوع مش مهم للدرجه دى لدرجه ان ولا واحد رد عليه

بسم الله الرحمن الرحيم
بادى ذى بدء ، حب اتكلم بصراحة وانا ادرى الصراحه لا ترضى الجميع منى ، بالنسبة لتدخل أمن الجامعه فى كل مايخص الجامعه والطلابه شيئ لا يقبل والحكم الذى صدر من المحكمة الدستوريه حكم صحيح والأهم من صدور الحكم تنفيذه وانا واثق لم يتم تنفيذ الحكم 0

ازاى يعنى يلغوا الحرس الجامعى
يعنى يلغوا الحرس اللى على البوبات ولا كل الامن اللى فى الجامعه

طبعا انا لا اوافق على الالغاء
اذا كان الجامعه وهى فيها حرس ومش مظبوطه
امال لو الغوا الحرس هيحصل ايه بقى ؟!!!

لا اوافق اطلاقا على الالغاء
هوانا فعلا بتخنق من الحرس اللى على بوابة الجامعه الكبيره
بس مهما كان لازم يكونوا موجودين .. هما زى الملح فى الاكل

مشكور حسين على الموضوع

لا ياساهورا مش المقصود كدة قصدة تدخل الحرس فى شئون الجامعة زى موضوع إتحاد الطلبة مثلا وغيرة كتير

بس معلش يعنى القرار دا ممكن يتنفذ فى اى جامعة الا فى جنوب الوادى


ياريت اشوف ردك على الترحيب بتاعك ياحسين وشكرا

على فكرة الحرس عندنا خنقة مووووووووووووووووووت

تيلوا انى لو كنت نسيت الكارنية بتاعى فى يوم استحالة يدخلونى

عاشقة جنات كتب:على فكرة الحرس عندنا خنقة مووووووووووووووووووت

تيلوا انى لو كنت نسيت الكارنية بتاعى فى يوم استحالة يدخلونى

اولا شكرا ليكى يا عاشقه جنات على اهتمامك بالتوبيك والرد عليه , ثانيا انا بدخل عادى من غير كارنيه اما اكون ناسيه فى بعض الاحيان, بس هو ممكن يسالنى انا فى كليه ايه وفى سنه كام ومين الدكاتره اللى بيدونى , عشان يعرف مدى صدقى من عدمه .

انا كتييييييييييييييييييييير عملت مشاكل مع الحرس بسببب الموضوع دة

وفى اللى كان بيدخلتى واللى مكانش

والله والجامعة محتاجة تتظبط فى حاجات كتير

لاش مشاكل وللأسف الحقيقة تزعل وبلاش مشاكل ودعى الخلق للخالق ولو غاويه مشاكل تعالى لى انا
انا باحب المشاكل وشوفونى فى اللجنه وانا داخل الجامعه باعمل مشاكل خاصة مع بتوع الحرس وانا داخل بالسياره بادخل رغم انفه العسكرى ولو غاويه مشاكل اسئلى على الهوارى

تقصد اية ببلاش مشاكل

وعلى فكرة انا عملت مشاكل كتير فى الجامعة مع طكاترة وحرسوفى شئون طلبة وغيرهم

لانهم اصلا ملهم اللى يسكتلهم

واحنا بنتنازل كتير ودة غلط

نطالب رئيس الوزراء ووزير الداخلية باحترام سيادة القانون وتنفيذ الحكم فورا
نناشد المجتمع الجامعى تعبئة كل جهوده من أجل هذا الغرض

لأن الجامعات تعتبر معقلا للفكر الإنسانى فى أرفع مستوياته ومصدر الاستثمار وتنمية أهم ثروات المجتمع وأغلاها وهى الثروة البشرية.
وبذلك تساهم فى رقى الفكر وتقدم العلم وإعداد الإنسان المزود بأصول المعرفة وطرائق البحث المتقدمة والقيم الرفيعة ليساهم فى بناء وتدعيم المجتمع وضع مستقبل الوطن وخدمة الإنسانية كما تهتم الجامعات كذلك ببعث الحضارة العربية والتراث التاريخى للشعب المصرى وتقاليده الأصيلة ومراعاة المستوى الرفيع للتربية الدينية والخلقية
لذلك
نناشد الجميع وخاصة وزير التربية والتعليم بتنفيذ الحكم واحترام سيادة القانون

انتوا لية عاملين الزعل دا والحرس ومش عارف اية انتوا عارفين اقسم بالله انا لية 5 سنين فى الجامعة

مطلعتش الكارنية للحرس غير 3 مرات ودا كان علشان الامن مكانش مستطب

اسهل حاجة انك تدخل الجامعة كل بنت وولد يدخلوا مع بعض وانا اراهنكم انى الحرس مش حيسالهم على كارنية بس المهم يكونوا متانكجين هههههههههههههههههههههههههههههههه

اولا انت كلامك صح فى النقطة الاخيرة يا فيانوس((((((((((((( اسهل حاجة انك تدخل الجامعة كل بنت وولد يدخلوا مع بعض وانا اراهنكم انى الحرس مش حيسالهم على كارنية بس المهم يكونوا متانكجين ))))))))))))))))))))

ثانيا لو هيبقى فى حرس فى الجامعة الفروض ميبقاش تابع للداخلية وجهات تانى طبعا كلكم عارفينها

واخيرا معلومة ليكم الحرس الى ع البوابة دول ...... مدربة وانتو اكيد فاهمين النقط الى انا كتبتها ولو حد سالكم ع الكارنيه ممكن تطلعلو كارنيه التامين الصحى او كارنيه ابن خالتك مش هتفرق لانه غالبا مش بيعرف يقرا

معك حق هما سعات مش بدققو على الكارنيه

فى مره والله دخلت انا وابن خالتى وصاحبه مع بعض بتلت كرنيهات فيهم صورتى

واحد بتاع المدينه وواحد بتاع السنه اللى فاتت وواحد بتاع السنه دى ومحدش اخد باله

المهم عندهم كارنيه وخلاص مش مهم بتاع مين.........

توتى فروتى كتب:واخيرا معلومة ليكم الحرس الى ع البوابة دول ...... مدربة وانتو اكيد فاهمين النقط الى انا كتبتها ولو حد سالكم ع الكارنيه ممكن تطلعلو كارنيه التامين الصحى او كارنيه ابن خالتك مش هتفرق لانه غالبا مش بيعرف يقرا

لانه غالبا مش بيعرف يقرا ههههههههههههه مش للدرجه دى يا راجل , ممكن هما يكونوا مش بيبصاو على الاسم ولا الصوره لكن انت ادام طلعتله الكرنيه مش بيركز فى شكلك وبيعديها , لكن ده مش على طول , يعنى لو عجبه شكلك مش هيبص للصوره ههههههههههه , ولو كان مزاجه مش تمام هيقولك ورينى الكارنيه يا كابتن , يعنى العمليه ماشيه تساهيل بس مش اكتر .

توتى فروتى كتب:واخيرا معلومة ليكم الحرس الى ع البوابة دول ...... مدربة وانتو اكيد فاهمين النقط الى انا كتبتها ولو حد سالكم ع الكارنيه ممكن تطلعلو كارنيه التامين الصحى او كارنيه ابن خالتك مش هتفرق لانه غالبا مش بيعرف يقرا

لانه غالبا مش بيعرف يقرا ههههههههههههه مش للدرجه دى يا راجل , ممكن هما يكونوا مش بيبصوا على الاسم ولا الصوره لكن انت ادام طلعتله الكرنيه مش بيركز فى شكلك وبيعديها , لكن ده مش على طول , يعنى لو عجبه شكلك مش هيبص للصوره ههههههههههه , ولو كان مزاجه مش تمام هيقولك ورينى الكارنيه يا كابتن , يعنى العمليه ماشيه تساهيل بس مش اكتر .

هما صحيح مش بيقروا حاجه ولا فاهمين حاجه

بس مخ مقفل وخلاص متعرفش الطالب عملهم ايه علشان يعملو كده معاه

ربنا يشيلهم من الجامعه قريب

قولو أميييييييييييييييييين

يا عم حسييييييييييييييييييييين

قول امين علشان ربنا يتقبل ان شاء الله

يمكن تكون ساعة ايجابه

هههههههههههههههههه امين يا حماده على الرغم من ان نا مش مع موضوع الالغاء لكن هنعمل ايه , هو ده واقعنا اللى احنا عايشينه .

انا شايف ان الغاء الحرس حيسبب فوضي في الجامعات خصوصا جامعه جموس الوادي

توتى فروتى كتب:واخيرا معلومة ليكم الحرس الى ع البوابة دول ...... مدربة وانتو اكيد فاهمين النقط الى انا كتبتها ولو حد سالكم ع الكارنيه ممكن تطلعلو كارنيه التامين الصحى او كارنيه ابن خالتك مش هتفرق لانه غالبا مش بيعرف يقرا

هوه انتي تعرفيهم عشان تقولي كده عليهم

يا اخوانا الحرس بيسأل على الكارنيه الساعة8 الصبح , يعنى الناس اللى رايحة محاضراتها اللى قامت من الساعة6 علشان تحضر ،وبعد الساعة1 محدش بيسأل على الكارنيه الوقت اللى الناس الرايقة بدأت تنزل فيه........................................ بالزمة والدين ده كلام يرضى أى بنى ادم