الحرس الجامعى بين الالغاء والابقاء ( اتفضل ادخل وقلنا رايك ) خاصه ليكم يا حقوقيين

انا من راييى انى الحرس الى تابع للداخلية هو الى يتلغى ويبقى فى امن تابع للجامعة مش للحكومة

توتى فروتى كتب:انا من راييى انى الحرس الى تابع للداخلية هو الى يتلغى ويبقى فى امن تابع للجامعة مش للحكومة

على فكره انا متفق معاك برده يا توتى ان الحرس لو كان مش من الداخليه يبقى افضل .

أنا بصراحة ضد الحرس الجامعي دوووووووول أساسا مش حرس دول كلاب حراسة ياعم دول ما يصدقو يشوفو حد من غير كارنية ويشبطو فيه ده حتي الظظابط بتاعهم اللي علي البوابو رخم أوي ده أنا مرة نسيت بطاقة الترشيح مش الكارنية كمالأنة كان لسه متعملش والله الظابط خلاني ارجع تاني وخلي المحاضرة تفوتني بس أنا طلعت أزكي منه ورحت صورت بطاقة ترشيح واحد صاحبي ودخلت بيها من البوابة الرئيسيسة ....علشان كده أنا كرهت الحرس ده ....dr_mido

انتوا بتتكلموا عن الحرس الجامعى كانكم اعديين فى سجن يا اخوانا متزعلوش من الحرس لو كانوا بيسالوكوا عن الكارنية مع انى دة شئ من عملوا و من حقوا يشوف كارنية كل واحد فينا اصلى مش معقول الحرس يسيبوا الى داخل و ال طالع كدة من غير سوءال

انا مش عارف انتوا مركزيين على قصة الكارنية دى كدة لية مع انه فى حاجات كتير اهم من الكارنيه يا اخونا متنسوش اننا فى حرم جامعى و شئ ضرورى يكون فى حرس يحافظ على حرمة المكان من اى شئ ممكن يشوه منظره بس اقولوكوا الحق الحرس محترمين جدا مع الانسان المحترم و احسن حاجة انهم من الداخلية

بسم الله الرحمن الرحيم
يا جماعة انا ضد الالغاء مع وجود بعض التحفظات على طبيعه عملهم؟
ودى يكون من صميم عمل أداره الجامعه لابد من يد تعاون وتساهم فى النظام ويكون حرم الجامعه له قدسيته الخاصه
وبدليل كل طلبه الجامعه كانو طلبه ثانوى عام ومدارس واسعه وكبيره العدد الا هنالك بعض النظام منة(اللباس الى بقيهالقائمه التى يحتاجها سن شباب الجامعه
يكون للجامعه حرس جامعىبجنب افراد امن الجامعه بشروط اعلى وارقى هيئه تعلميه وخاصه الساده الدكاتره هم خلاصه البلد فى كل الجامعات ولو نظرنا الى بقيه الهيئات نجد كل المصالح تسيطر على الامن وليست العكس
صح نحن بصد نظريه الهرم المقلوب فى مصرب الا بدايه للتغير كل شى فى نصابها الصحيح؟
واسف للشرح والتطويل؟
انا زائر دائم للجامعه بحكم الانتساب؟
وهذا ما تقع عينى عليه؟

السلام عليكم ورحمه الله وبركاته

أكيد طبعاً الحرس بيمثل عقبه لبعض الطلبه فى بعض المواقف
بس مش معنى كده أن الحرس من السهل الاستغناء عنه وأن يحل محله موظف أمن من الجامعه
لان الحرس بيمثل صمام أمان للحرم الجامعى عند تصاعد أى نوع من أنواع المشاكل اللى من الممكن حدوثها فى أى وقت
على العكس من أن يتولى أمر هذه المشاكل موظف أمن عادى
لكن بالنسبه للمواقف الغريبه اللى بتحصل من الحرس على البوابه دى من الممكن حلها ببساطه
ومن المواقف دى مثلاً
تلاقى الطلبه بتدخل من أى بوابه فجأه تلاقى واحد من الحرس أنت وداخل بيقولك أدخل من البوابه التانيه
اللى جنبها مباشرة مع العلم أن الطالبات بتدخل من البوابه بكل بساطه
وموضوع السؤال على الكارنيه ده من حقه لكن ياسلام لما يكون مبسوط حبتين ويستغبى
تدخل فى بدايه السنه تطلعله الكارنيه يقولك ده بتاع السنه اللى فاتت يا محمد على أساس أنه بيعرف يقرا
وكتير من المواقف الغريبه ودى تتحل ببساطه

يعنى من الممكن أن تلقى رئاسه الجامعه على الحرس بعض الارشادات فى كيفيه التعامل مع الطلبه

وأنا طبعاً ضد الالغاء