الشباب والمعاكسات

حسين صبرى كتب:هو للدرجه دى الموضوع مش مهم يا شباب لدرجه ان عشر مشاهدات ميكونشى فيهم حتى مشاركه واحده او تعليق على الموضوع

لا بجد يا حسين موضوع جميل جدااااااااااااااااااااااااااااااااااااااااااا

جزاك الله خيرا
طبعا اى شاب لو بنت لابسة لبس محترمش هيعاكسها ابدا


هناك حلول قراتها على احدى المواقع
1*أن ينشر الوعي بين الشباب والفتيات وبين أولياء الأمور بحرمة هذه المخالفة وتنافيها مع قيمنا العربية وعاداتنا الأصيلة، وخطورها على مستقبل المجتمع وما يترتب عليها من خطايا وسيئات،

2* يساعد الشباب والفتيات على الزواج المبكر، إذ هو حصن حصين ونصف الدين إذا تم فهو حافظ لهم بإذن الله من ارتكاب هذه المحرمات، ففي الحديث: (يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء) متفق عليه، وتحقيقاً لذلك فإن على أولياء الأمور تخفيف مهور الزواج وتكاليفه وتزويج فتياتهم إذا أتاهم من يرضون دينه وخلقه،

منـــــــــــــــــــــــــــــــــــــقول

انا مكنتش عارف ارد يا حسين لانى انا بضايق من اللى بيعاكسوا فعلا والله


بس يعنى برضة ههههههههه

بارك الله فيك يا سحس

ردى مش هتفهمو يا حسين لو قابلتك هقولك عليه

انا شايفة ياحسين انك رميت ٩٠% من الموضوع على البنات مع اننا بنشوف بنات محترمات جدا وبرده بيتعاكسوا والدليل اهلنا زمان كان لبسهم زى ماكلنا عارفين طبعا ومع ذلك مكنش بيحصل ربع اللى بيحصل دلوقتى المشكلة فعلا فى بعدنا عن ربنا وفالاخلاق اللى تقريبا اتعدمت بين الشباب وعلى فكرة كلامى مش معناه ان البنات يلبسوا براحتهم عالاقل لو خايفة على نفسها
اما الحل الوحيد والاكيد اننا نقرب من ربنا ونحاول تبقى حياتنا على خطى الحبيب زى ما بيقولو
تقبل مرورى

لا فى بنات كتير ياحسين بيبقو كويسين ومحتشمين ولبسهم متوافق مع الشريعة ومع ذلك بيتعاكسوا يبقى كده مفيش فريسة والذئاب هى اللى اتسعرت
يبقى مينفعش يبقى اللوم الاكبر عالبنات عشان الشباب دلوقتى اى حد تقولو عيب اللى بتعمله ده يقولك البنات السبب وهى دى شماعة الشباب زى اللى بيضحك عالبنات ويقول اصل فى بنت خدعتنى وانا بنتقم ولا يقولك اصل هما اللى بيكلمونى مينفعش نفضل نعلق ضعفنا واخطائنا على شماعات الغير انت كده بتدى للشباب مبررهم القوى للى بيعملوه ومننساش ان ربنا قالنا غضوا البصر واكيد كل اللى بيحصل من البنات او من الشباب دى اختبارات وابتلاءات من ربنا واحنا لازم نعديها والا نبقى منستهلش الجنة زى بالظبط ما بتيجى قدامك سيجارة وانت بتقرر تاخدها او لأ تفتكر لو اخدتها تبقى السيجارة غلطانة او حتى اللى بيعزم عليك بيها هو اه بياخد ذنبك بس انت كان ب ايدك ترفض ولا ايه؟

فى حاجة تانية عاوزة اتكلم فيها ومعلش اذا كنت بطول عليك.
هو ايه اللى بيخلى البنت تلبس او تتكلم او تمشى كده؟؟؟ مش عشان هو ده اللى بيعجب الشباب وبيلفت الانظار ليها. صح؟
ده برده اختبار من ربنا للبنات يا تلبس كده وتخلى الشباب يعجبوا بيها ويحبوها ودى حاجة متقدرش تستغنى عنها اى بنت بتحب تحس ان الناس شايفاها حلوة دايما يا اما تختار رضا ربنا وحبه طبعا البنت مش بتفكر ان ربنا لما يحبها ويبقى راضى عنها هيحبب فيها خلقه فبتعمل اللى هى شيفاه بيعجب الشباب تفتكر كده نقدر نقول ان الشباب هما السبب فاللى بيعملوه البنات؟؟
تبقى كده المسؤولية مش اكتر عالبنات صح ولا ايه؟؟؟؟؟؟؟

ههههههههههههههه ماشى ياحسين انت اللى قلت خدى راحتك يعنى متقولش حقى برقبتى بعد كده.
‏
انا شايفة ان المسؤولية الاكبر على الشباب ليه بقى؟ قولتلى ليه اقولك انا عشان احنا لوقسمنا المسؤولية بالنص هنلاقى ان الشباب مسئول عن نفسه لكن البنات ابوها او اخوها او عمها او خالها او جوزها هما المسئولين عنها يعنى كده الشاب او الراجل عنده مسئولية نفسه ومسئولية بنته او اخته او اى كانت البنت اللى ليه حق يقولها متعمليش كده.
يارب اكون عرفت اوصلك انا قصدى ايه ويكون كلامى مفهوم ومش طوييييييييل هههههههههه

بخصوص كلامكم عن البنات اللي بتتعاكس وكدة

حقولكم حاجة واحدة

معايا صاحبتي منقبة

ركزوا منقبة

يعنى مفيش اى حاجة بتبان من ملامحها

ولبسها طبعا واسع وكدة

كانت بتتعاكس

احكموا انتوا بقي

والله موضوع جميل جدا وبيتكلم عن مشكله عايشين فيها بس للاسف مش عارفين نتخلص منها
وبتمنى ان كل الشباب والبنات يتعظوا ويعرفوا انهم فى يوم هيقابلوا ربنا وهيحاسبهم على كل حركة
وسكنة وكل همسة وكلمة واتمنى الا ننسى ابدا قوله تعالى(ووجدوا ماعملوا حاضرا ولا يظلم ربك احدا)
وجزاك الله كل خير على هذا الموضوع الرائع ويارب يجعله فى ميزان حسناتك ويسهلك ربنا بيه
طريق للجنة
قولوا امييييييييييين

اولا جزاك الله خيرا يا اخ حسين ......
ولكن المسئولية تقع على عاتق الشاب والشابه.فلو تكلمنا على الشاب فيجب عليه ان يعلم انه(كما تدين تدان).وانا اتعجب من الشباب الذين يعاكسون اترضها لاختك او لامك . ثانيا الفتاة فهى تتحمل المسئولية الكبرى من حيث لباسها وعدم الحياء فى الطرقات مثل الضحكات العاليه .وهناك ايضا فتيات يفرحن بهذه المعاكسات .وانا اقول لهم اتقو الله وارحمو الشباب .ربنا يهدينا ويهديهم ان شاء الله . وشكرا لك يا اخ حسين

ياحسين انا اقصد ان البنت مهما كانت مسئولة عن نفسها برة البيت بس اكيد فى راجل فالبيت ايا كان الراجل ده ابوها اخوها جوزها عمها خالها اى حد ليه حكم عليها يقدر يقولها متخرجيش بالمنظر ده. يعنى مثلا انت كشاب انا بقول مثلا عندك مسئولية نفسك انك تغض بصرك وتتقى ربنا ومتعاكسش وكده يعنى وفنفس الوقت عندك مسئولية مامتك واختك وخطيبتك اومراتك وبنت اخوك وبنت اختك وبنت خالك وبنت عمك كل دول او حتى بعضهم انت تقدر تقولهم مفيش خروج الا بلبس معين متضحكيش فالشارع متمشيش مشية مش كويسة كده يعنى. فهمت؟ انت عندك مسئوليتين او اكتر البنت مسئولة عن نفسها بس لانها ملهاش حكم على اى راجل ايا كان.
مش عارفة برده وصل كلامى ولا ايه؟

اما بالنسبة ل الفقير الى عفو ربه
كلامى اللى قولته لحسين بيرد على حتة المسؤولية الكبرى عند البنات
اما بالنسبة لكلامك الموجه للبنات انت بتقول اتقو ربنا وارحمو الشباب بس اناعاوزة اقول للبنات اتقوا ربنا وارحمو نفسكم مش الشباب
وعاوزة اقول للشباب اتقوا ربنا ومتستنوش الرحمة من غير الله وكفاية بقى تعلقوا اخطائكم وضعف ايمانكم ونفوسكم على شماعات الدنيا عاوزة كده والبنات السبب ومفيش حل غير كده واحنا نعمل ايه يعنى؟ وكل المبررات اللى مصورهالكم ومحلهالكم الشيطان ونفوسكم الضعيفة