رئيس قسم علم النفس التربوي

أنا خريجة تربية متفوقة أرغب في الدراسات العليا و عرفت من جميع زملائي و زميلاتي أنه من الأفضل أروح مكان غير تربية قنا بسبب رئيس قسم علم النفس التربوي اللي جميع الطلاب و الطالبات يعرفوه بيختار حسب مواصفاته الخاصة. و مع ذلك بدأت اللتجربة بنفسي و حاولت أعمل خطة في صعوبات التعلم و قابلته أكثر من مرة، و للأسف فاض بي الكيل و أعاني من تحرش لفظي مستمر من رئيس القسم المتحكم في كل شيئ و كلما قابلته ينظر لي نظرات يقشعر لها بدن أي طالبة و لا تليق بالجامعة و يطلب مني الاتصال به في الصباح و الليل و كذلك الجلوس بجانبه بشكل غير لائق ناهيك عما يتفوه به من ألفاظ خادشة مثل لابسه أيه و أمور تمس أدق خصوصيات البنت ولاحظت أن مجرد الجلوس معه يعرض الطالبة للشبهات. و بالرغم من معرفة الدكاتره و حصوله علي عدة عقوبات من رئيس الجامعة شخصيا كما علمت، هل أترك جامعتي التي تخرجت منها و قريبة مني بسببه و أذهب إلي سوهاج كما قيل لي التي لا أعرفها أو أعرف الدكاترة أو نظامها ايه هل هذا يعقل. ماذا افعل لا أرغب في الشكوى للعميد أو لرئيس الجامعة لأن هذا يعطلني أكثر و يعرضني للمشاكل داخل الكلية و خارجها و يقضي علي أملي في الماجستير و ليس لدي فرصة غير شهر ابريل القادم. هل هذا يرضي د عباس منصور رئيس الجامعة

انشاء الله ربنا يكرمك يا امبرة ومشكلتك تتحل

انا مش عارف اقول اية بس انا مقدرش احكم بس حرجع واقولك ان مش حتكون اي مشكلة انك تقدمي شكوة لرئيس الجامعة انا مش شايف خالص اية مشكلة وربنا يوفقك

مش شايف مشكلة في أيه يا حازم؟ مش فاهمة تقصد ايه، انت فاكر أن الدراسات العليا زي المحاضرات و الامتحانات، المشرف و هو رئيس القسم في الغالب هو المتحكم في كل شيئ، علي العموم شكرا علي ردك و اهتمامك و ربنا يوفقك انت كمان.

مشكلة يا اميرة في انك تقدمي شكوة لرئيس الجامعة ضد رئيس القسم اللي بتقولي علية بيضايقك

وياريت يا اميرة لو قدمتي شكوة تقوليلنا اية اللي حصل عشان ناخد موقف من الدكتور ده

انا بقول تيجي من غيري لأن تقديمي لشكوى يعني استحالة تسجيلي لأنه الأستاذ الوحيد في القسم و لو اشتكيته رسمي ماينفعش اسجل معاه لأنه ببساطه العلاقة بيني و بينه حتكون سيئة جدا و كمان أنا عارفة أن في طالبات و طلاب أشتكوه بس مش عارفة حصل ايه في شكاويهم. المهم التسجيل خلاص معاده فات و للسنة الجاية حشوف أمكانية التسجيل في أسوان. و شكرا علي اهتمامك يا حازم، بالمناسبة أنت بتجيب الصور دي منين؟؟

أنا عرفت أن رئيس الجامعة فصله من رئاسة القسم و محوله تحقيق
الحمدلله أخذتي حقك
و علي فكرة التسجيا يبتدي في أغسطس ان شاء الله

فصلة من رئاسة القسم يااااااه دا موضوع كبير ان شاء الله علي بداية الدراسة نشوف الموضوع ده

و الله ده اللس سمعته يا حازم و لو مش مصدقني أسأل بنفسك

ان شاء الله مع بداية الدراسة حشوف الموضوع ده