برنامج دارك .......للضيوف الاعزاء....

mema كتب:اولافى البدايه الباش مهندس فى سطور؟
شاب مسلم يحب الله ورسوله يحبو علي طريق الهدايه تاره ويمشي تارة أخري يلتمس هدي النبي محمد وسنته


2_هبدا مع حضرتك نفس نوعيه اسلتك مع لوفر
ايه الصوره الى بتحب تقراها او تسمعها لما تصحى من النوم_لما تكون مضايق_لما تكون فرحان؟
انا بحب اسمع سورة البقرة لانها الفاضحة التي فضحت المنافقين وسورة التوبة لانها تحكي حال المسلمين في غزوة العسرة
تشعري وكانك معهم وسورة النور لانها كان بها البراء للسيدة عائشة من حادثة الافك

3_اكتر قصه من قصص الصحابه اثرت فيك؟
قصة سيدنا سعد بن ابي وقاص عندما شكوه أهل الكوفة لسيدنا عمر وقالوا انه لايحسن في شي حتي لايحسن يصلي
ودي قصة طويلة ان شاء الله هنزلها توبك لانها مؤثرة جداااااااااااااااااااااااا

4_اكتر اسم عجبك من اسماء الصحابه (اسمه مش شخصيته)؟
ممكن يكون لقب سيدنا حذيفة بن اليمان كاتم السر النبوي ودا شرف لا يدانيه شرف ان يأمنه النبي علي سره

5_لو رجع بيك الزمن لورى وعشت فى عهد الرسول الكريم والصحابه رضى الله عنهم
كنت تتمنى تكون مين فيهم؟
أتمني ان اكون مسمار في نعل ابوبكر الصديق

6_ايه الدعاء الى دايما بتردده؟
حقيقه هم اثنين الاول لا اله الا انت سبحانك اني كنت من الظالمين
والثاني ودا دائما ادعوه في كل سجده اسجدها لله اللهم اغفر للمسلمين والمسلمات والمؤمنين والمؤمنات الاحياء منهم والاموات
تصوري تؤجري عن كل مسلم ومسلمه ومؤمن ومؤمنه حسنه سواء كان حيا او ميتا لكي ان تتخيلي كم الحسنات بقي

7_مطلوب منك وفورا تنزل بتوبيك فى المنتدى الاسلامى؟
ان مش بنزل بتوبك الا اذا حسيت انه يفيد الاعضاء مش انزل توبك وخلاص بس اوعدك هنزل ان شاء الله

8_حققت كام فى الميه من ختطك الايمانيه فى الشهر الفضيل وخصوصا فى العشر الاواخر؟
الحمد لله راضي أسال الله القبول لي وللمسلمين

9_ايه الدعوه الى بتتمناها لينا عضاء المنتدى فى الشهر الكريم؟وايه النصيحه الى تقدمهالنا؟
اللهم ان لكل عضوا فينا له حاجة في صدره فاأجبها له يارب وانت قلت وقولك الحق وان من شي الا وعندنا خزائنه
انصح نفسي واياكم ان نلتمس هدي النبي محمد صلي الله عليه وسلم

10_اكتر حديث شريف بتحبه واثر فيك؟
حديث النبي والله لايؤمن احدكم حتي يحب لاخيه ما يحبه لنفسه

11_ بتحب مين من الصحابه الخلفاء الراشدين؟وليه؟
قلبي وروحي ودمي ابوبكر ولما لا وهو الذي كانت دقات قلبه تدق علي دقات قلب المصطفي وكفي
12_بتحب مين من الصحابه بخلاف الخلفاء الراشدين؟وليه؟
انتي الان أدخلتيني في حديقة غناء تضم شتي أنواع الزهور والرياحين وتقولي اقطف زهرة واحده وانا اقول أعذريني اريد الحديقة كلهاااااااااا

13_بتحب مين من امهات المؤمنين؟وليه؟
امي خديجه يكفي حب النبي لها وهي المراه الوحيده التي ارسل الله لها السلام من فوق سبع سموات ولها بيت من قصب في الجنة


14_بتحب مين من بنات الرسول الكريم صلى الله عليه وسلم؟وليه؟
فاطمة لانها كانت أشبه بناته به حتي في مشيته فلما خرجت تمشي في المدينة بعد موته ضجت المدينه بالبكاء

15_بتحب مين من الصحابيات ؟وليه؟
نسيبه بنت كعب ( ام عماره ) يكفي دفاعها عن النبي يوم احد حتي قطعت يدها


16_فى سؤال توقعت اسئلهولك فى نطاق الاسئله دى ومسالتوش ايه هو؟واجابته لو سمحت؟

1-آية لما تسمعها بتحس براحه ؟
{إِنَّ الَّذِينَ سَبَقَتْ لَهُمْ مِنَّا الْحُسْنَى أُوْلَئِكَ عَنْهَا مُبْعَدُونَ}

2- آيه لما تسمعها بتحس بخوف ؟
وإن منكم إلا واردها ، كان على ربك حتماً مقضيا . ثم ننجي الذين اتقوا ونذر الظالمين فبها جثيا

3- آيه لما تسمعها بتحس برجاء ؟
قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً

4- آية لها موقف معاك لاتنساه ؟
فعسى ان تكرهوا شيا ويجعل الله فيه خيرا كثيرا

5- بتسمع مين من المشايخ ؟
ابو اسحاق الحويني ومحمد حسان ومحمد حسين يعقوب ومسعد انور ومحمود المصري

6- بتسمع مين من قارئ القرآن ؟
عبد الباسط والمنشاوي والسديس

ايه يا ميما هو انا هسال نفسي ولا ايه
نقول كفايه كده ويا رب مكونش طولت على حضرتك
فى انتظار الاجابات
دمت فى تمام الصحه والعافيه
فاصل وراااااااااااجعه لحضرتك وللعضاء الكرام

sea lover كتب:اخبار الاكل مع حضرتك ..هل حضرتك اكول..!
مش اوي بس بحب النظام في الاكل

اكتر الاكلات تفضل
السمك ثم السمك ثم السمك لو ثلاث مرات في اليوم مافيش مانع بس يكونوا بطرق مختلفه

هل تفضل العصائر ام المشروبات الساخنة..!
ممكن العصائر شويه بس مش كتير
اما المشروبات الساخنه مش بشرب غير الشاي الاخضر فقط



[الحلويات ..اخبارها
بقلل منها بقدر الامكان علشان احافظ علي وزنى


ايه علاقتك بالقهوة

انا مش بشرب اي منبهات اطلاقااااااااااااا


http://www.gulfson.com/vb/img/up/34/b174f128163535f6e8187bd836500115.jpg[/img]


علاقة حضرتك بالtake a way ..!
معظم اكلي تك اوي لان لما برجع من الشغل اما انام او اقعد علي النت فكل حياتي دليفري
وبجد والله لوفر تعبت نفسي في اكله من ايد ست الحبايب


ما الاكلة التى كلما اكلتها قلت ما احد يعرف يعملها غير والدتى..!
المكرونه

ما علاقتك بالاكلات الشعبية
بحبها جدااااااااااااا بس للاسف مش موجوده هنا ولما انزل مصر في مطعم فول وطعميه ما أصدق الاقي فرصه الا وهروحه

واخبار الاكل فى الامارات
معظم الاكل دسم جدااااااا بس بحب الارز البرياني اوووي لان بيعملوه بطريقه روعه والفراخ المندي ودي اكلتي المفضله هنا لان مطاعم السمك تكاد تكون معدومه
لانهم بيركزوا علي اللحوم

وايه الاكلة اللى تحبها مع اصحابك
سندوتشات الفول والطعميه بس تكون في رحلات


وايه الاكلة اللى تفكرك بالطفولة
ست الحبايب كانت بتعملي ارز في تسبيكه وكنت بحبها جدا ولازلت بس مين يرجع الماضي والحاجه توافق وتعملها لي


لنا عودة فى قسم اخر بس عاوزة اعرف راى حضرتك فى المقولة (اقرب طريق لقلب الرجل معدته)..

في رجال بتنطبق فعلااااااااا عليهم المقوله دي بس مش كلهم
واللي اكد لي الكلام دا مره واحد صاحبي كان هيخطب واحده وقالي تعالي نروح سوا فرحت معاه وهو من النوع الاكول جدااااااااااا
فانا لما شفت العروسه اتصدمت نسبة جمالها لاتتعدي 20في الميه فلما خرجنا قال لي ايه رأيك قلت له العروسه مش اوي قال لي
بس الاكل كان مرتب اوي ههههههههههههههههههه قلت له يا اخي حرام عليك انت جاي تجوز ولا جاي تاكل وبرغم كدا اتجوزها
برضوا فيمكن دا اكد لي ان في نوع كدااااااااا


و بس كدة